اسلام آباد (مانیٹرنگ ڈیسک) ریلوے سٹیشن کے قریب مال بردار ریل گاڑی کوحادثہ پیش آگیا۔مال گاڑی کی کئی بوگیاں پٹری سے اتر گئیں۔نجی ٹی وی کے مطابق جہانیاں ریلوے سٹیشن کے قریب مال بردار ریل گاڑی کی بوگیاں پٹری سے اترنے کے باعث ریلوے ٹریک معطل ہوگیا۔حادثے کے بعدکراچی جانے والی سرسید ایکسپریس ٹرین کو جہانیاں سٹیشن پر روک دیا گیا۔ریلوے حکام کے مطابق حادثے میں کسی جانی نقصان کی اطلاع نہیں ہے،ٹریک کی بحالی کے لئے امدادی سرگرمیاں جاری ہیں ، ٹریک بحال ہوتے ہی کراچی جانے والی ٹرین روانہ کردی جائے گی۔یاد رہے رواں ماہ متعدد ٹرینیں حادثات کا شکار ہو چکی ہیں