اسلام آباد (مانیٹرنگ ڈیسک )نجی ٹی وی پروگرام میں ن لیگ کے سینئر مرکزی رہنما و سابق وفاقی وزیر احسن اقبال نے پیشن گوئی کرتے ہوئے کہا ہے کہ وزیراعظم عمران خان

والٹن ائیر پورٹ کی زمین کی بندر بانٹ کر کے اپنے دوستوں کو ہائوسنگ سکیم دینے والے ہیں ۔ لیگی رہنما نے لاہور تاریخی ائیرپورٹ کو بڑا سیکنڈل بننے کی پیش گوئی کی ہے ۔ انہوں نے کہا ہے کہ تاریخی ورثے کی حفاظت کرنے کی بجائے تحریک انصاف کی حکومت اسے مسمار کر کے اس جگہ پلازے اور ہائوسنگ سکیم بنانے کے درپے ہے یہ حکومت کل یہ بھی کہے گی کہ مینار پاکستان کے قریب جگہ خالی پڑی ہے اس پر بھی ہاوسنگ بنائی جائے لیکن ہم حکومت کو ایسا کرنے کی ہرگز اجازت دے گے ۔ دوسری جانبلاہور کا تاریخی والٹن ائیرپورٹ ہمیشہ کیلئے بند کردیا گیا۔سول ایوی ایشن اتھارٹی (سی اے اے) نے حکم جاری کردیا جس کے مطابق کل سے والٹن ائیرپورٹ استعمال نہیں ہوگا۔ائیرپورٹ منیجر کے کا کہنا ہے کہ ائیرپورٹ پر فلائنگ کلبز کو تمام طیارے گراؤنڈ کرنےکی ہدایت کردی ہے۔فلائنگ کلب انتظامیہ کے مطابق والٹن ائیرپورٹ پر 200 سے زائد اسٹوڈنٹ پائلٹ زیر تربیت ہیں، والٹن ائیرپورٹ بند ہونے سے 5 فلائنگ کلب اور حکومت کا پلانٹ پروٹیکشن ڈپارٹمنٹ متاثر ہوگا۔والٹن ائیرپورٹ ختم کرکے بزنس ڈسٹرکٹ قائم کیا جائےگا جس کا نوٹیفکیشن جاری ہوچکا ہے۔