لاہور(این این آئی) کمشنر لاہور کیپٹن (ر)محمد عثمان نے خوبصورت لاہور و تاریخی لاہور کی بحالی کے عزم کے حوالے سے لاہوروالڈ سٹی اتھارٹی میں ڈی جی اتھارٹی کامران لاشاری کے ہمراہ اجلاس کی صدارت کی۔ کمشنر لاہور نے اس موقع پر کہا کہ 1883 میں قائم ہونے والے پانی والا تالاب کو محفوظ و بحال کیا جائیگا۔ کمشنر
لاہورکو بریفنگ میں بتایا گیا کہ 510 ستونوں پر قائم پانی والا تالاب ٹینکوں سے ماضی میں لاہور کو پانی مہیا ہوتا تھا۔ کمشنر لاہور نے کہا کہ بادامی باغ میں محکمہ آبپاشی کے پلاٹ پر لاہور نظارہ مینار تعمیر کیا جا سکتا ہے۔ انہوں نے کہا کہ لاہور نظارہ پوسٹ کیساتھ کیفے اور ویڈیو ومیوزیم ہال کی بھی تجویز زیر غور ہے۔ لاہور نظارہ مینار سے گریٹر اقبال پارک، شاہی مسجد اور قلعہ کا نظارہ قابل دید ہوگا۔ کمشنر لاہور نے کہا کہ علاقے کی خوبصورتی اور تاریخی ورثہ کی بحالی سے سیاحت کو بھی فروغ حاصل ہوگا۔ کمشنر لاہور، ڈی جی والڈ سٹی اتھارٹی اور ایم ڈی واسا نے پانی والا تالاب رنگ محل و بادامی باغ کا دورہ کیا اور پانی والا تالاب کی فعالیت کو بھی چیک کیا جو اب بھی مخصوص آبادی کو پانی فراہم کر رہا ہے۔ کمشنر لاہور نے کہا کہ لاہور والڈ سٹی اتھارٹی اندرون لاہور تاریخی ورثہ بحالی کیلئے بہت محنت کر رہی ہے۔ لاہور نظارہ مینار و میوزیم کیلئے والڈ اتھارٹی، ایم سی ایل،واسا اور محکمہ آبپاشی کی کمیٹی کام کرے گی۔ کمشنر لاہور کیپٹن (ر)محمد عثمان نے ریونیو وصولی اہداف پر تیسرے اجلاس کی صدارت کی۔ اجلاس میں کمشنر لاہور اظہار اطمینان کرتے ہوئے کہا کہ اضلاع کی کارکردگی مثبت ہے، روزانہ ہدف کے مطابق وصولیاں شروع ہوگئیں۔ کمشنر لاہور نے کہا کہ ڈی سیز اسسٹنٹ
کمشنرز کو مزید پولیس اور افرادی وسائل دیں۔ریکوری تیز کریں۔ لاہور سمیت دیگر اضلاع کی وصولیوں کی آج شرح اوسطا 93فیصد رہی ہے۔ کمشنر لاہورنے کہا کہ پچھلے سالوں کے ایریئیرز وصولی میں بھی بہتری ہے مگر اطمینان بخش نہیں۔ ایف بی آر کو ایریرز، لینڈ ریونیو، واٹر ریٹ، تاوان و دیگر مالی وصولیوں کا ہدف حاصل کرنا
ہے۔ کمشنر لاہورکو ڈی سیز نے یقین دہانی کرائی کہ 20-21 مالیاتی سال کی وصولیاں ایریرز کے علاوہ سو فیصد ہو جائینگی۔ کمشنر لاہور نے ہدایت کی کہ ریونیو وصولیوں پر مامور افسران و عملہ کو اس ہدف کے علاوہ کوئی اور ٹاسک نہ دیا جائے۔کمشنر لاہور نے ننکانہ، قصور، شیخوپورہ اور لاہور کی اب تک کی وصولیوں کا الگ الگ جائزہ لیا۔اجلاس میں اے ڈی سی آر لاہور مہر عبدالروف، اے سی آر منور بخاری، امیر علی سٹاف آفیسر نے شرکت کی۔ڈی سی ز نے بذریعہ ویڈیو لنک شرکت کی۔
