سرگودھا(آ ن لائن) آپریشن کیلئے عام طور پر استعمال ہونیوالی مختلف نوعیت کی 19اشیا ء وادویات کی قیمتوں میں 15فیصد تک اضافہ کر دیا گیا، ذرائع کے مطابق یہ ادویات پرائیویٹ ہسپتالوں کے ساتھ ساتھ سرکاری ہسپتالوں میں بھی استعمال کروائی جاتی ہیں، جہاں غریب طبقے کیلئے یہ اضافہ باعث تشویش بن کر رہ گیاہے میڈیکل سٹور

مالکان کا کہنا ہے کہ ڈسٹری بیوٹرز اور مالکان کی مبینہ ملی بھگت کے ساتھ آپریشن میں عام استعمال ہونیوالی اشیاء اور ادویات کی قیمتیں بڑھائی ہیں اس میں سٹور مالکان کو کوئی عمل دخل نہیں، دوسری جانب نجی ہسپتالوں کی فارمیسیوں نے ا س کے ساتھ ساتھ اپنے تئیں بھی قیمتوں میں اضافہ کرکے یہ ادویات و اشیاء فروخت بھی کرنا شروع کر دی ہیں جبکہ سرکاری و نیم سرکاری ہسپتالوں کے کنٹریکٹررز نے بھی اضافی قیمتوں کے ساتھ ان ادویات کی سپلائی کیلئے حکام سے رابطے کر لئے ہیں اس سلسلہ میں ہیلتھ اتھارٹی کے شعبہ ڈرگ ریگولیٹر ی کی کارکردگی کا اندازہ اس امر سے لگایا جا سکتا ہے کہ اس اہم شعبہ کے کرتا دھرتا حکام کو متذکرہ صورتحال کے بارے میں علم ہی نہیں اور کہا گیا کہ چیک کرواتے ہیں اگر یہ اضافہ حکومتی اجاز ت کے بغیر ہے تو سخت کارروائی ہو گی۔  دوسری جانب جماعت اہلسنّت پاکستان کرا چی کے امیر علامہ شاہ عبد الحق قادری نے کہا کہ موجودہ حکومت نے مہنگائی،بے روزگاری محرومی کے سوا عوام کو کچھ نہیں دیا۔ سودی قرضوں کا بوجھ غریب عوام پر ڈالا جا رہا ہے۔ آئی ایم ایف کی سر پرستی میں آنے والا بجٹ عوام کی مشکلا ت میں مزید اضافے کا سبب ہو گا۔ انہوں نے اپنے بیان میں کہا کہ حکمرانوں کی ناقص پا لیسیوں کے سبب قوم اضطراب کا شکار ہے۔ ارباب

اقتدار عوام کے مسائل حل کر نے میں سنجید ہ نظر نہیں آ رہے،سیاستدانوں کی ناکام پالیسیوں کے سبب قوم مسائل سے نہیں نکل پا رہی۔انہوں نے حکومت پر تنقید کرتے ہوئے کہا کہ حکمرانوں کے عوام کو ریلیف دینے،لاکھوں گھرو ں اور نوکریوں کے تمام دعوے ابھی تک چھوٹے ثابت ہوئے ہیں۔ان کا کہنا تھا کہ بے روزگاری ایک سنگین

مسئلہ ہے کرونا وبا ء،لاک ڈاؤن نے متوسط طبقے کو شدید متاثر کیا ہے، ہما ری حکومتیں مسائل کے مستقل حل کے بجائے صرف وقت گزاری کر رہی ہیں۔بڑھتی ہو ئی مہنگا ئی،غر بت،افلاس،بیروزگاری جیسے مسا ئل اور بحر انات کا ذمہ دار اقتدار میں رہنے والو ں کی ناقص حکمت عملی اور سودی نظام ہے۔ حکو مت اور منتخب نمائندوں کی اولین ذمہ داری بنتی ہے کہ عوامی مسا ئل کے تدارک اور قوم سے کئے گئے وعدے پو رے کر یں۔

موضوعات:ادویات