دبئی  (آن لائن/این این آئی )وزیراعظم عمران خان کے سابق معاون خصوصی برائے اوورسیز پاکستانیز ذلفی بخاری چارٹرڈ طیارے سے دبئی پہنچ گئے۔ذلفی بخاری اپنے تین قریبی دوستوں کے ساتھ دبئی کے المکتوم ائیرپورٹ پر لینڈ کیا۔ اس حوالے سے انہوں نے اپنی

ٹوئٹ میں کہا کہ دبئی میں ہفتہ وار چھٹی پر ہوں  اور پیر کے روز پاکستان واپس آؤں گا۔خیال رہے کہ ذلفی بخاری نے رنگ روڈ اسکینڈل میں نام آنے پر عہدے سے استعفیٰ دے دیا تھا اور وزیراعظم عمران خان سے نام ایگزٹ کنٹرول لسٹ (ای سی سیل) میں ڈالنے کی پیشکش کی تھی۔ قبل ازیں وزیر اعظم کے معاون خصوصی زلفی بخاری دبئی چلے گئے ،زلفی بخاری اسلام آباد سے تین دیگر افراد کے ہمراہ دبئی گئے ،زلفی بخاری سمیت چاروں افراد خصوصی طیارے پر صبح پانچ بجے دبئی روانہ ہوئے ،رنگ روڈ الائنمنٹ کی تبدیلی کے حوالے سے زلفی بخاری کے خاندان کو بھی فائدہ پہنچانے کا الزام عائد تھا،رنگ روڈ الائنمنٹ تبدیلی میں نام آنے پر زلفی بخاری نے معاون خصوصی کے عہدہ سے استعفے دے دیا تھا،زلفی بخاری کے ہمراہ ظفر اکرام،فخر عالم اور عمران سعید بھی دبئی روانہ ہوئے۔