لاہور( این این آئی) مسلم لیگ (ن) پنجاب کی سیکرٹری اطلاعات عظمیٰ بخاری نے کہاہے کہ عمران نیازی نے خادمہ باجی کو اپنی اور عثمان بزدار کی سیاہ کاریوں پر پردہ ڈالنے کیلئے بھرتی کیا ہے ،بڑے چور نے پہلے جہانگیرترین کو این آر او دیا اب زلفی بخاری کو فرار کرادیا ہے ،

راولپنڈی رنگ روڈ سکینڈل میں اگلا این آراو شیخ رشید اور غلام سرور کیلئے تیار ہو رہا ہے ۔ اپنے بیان میں انہوں نے کہا کہ لیاری گینگ،چھوٹو گینگ،لادی گینگ کے بعد نیازی مافیا گینگ سرگرم عمل ہے ،جب تک نیازی مافیاگینگ کا قلعہ قمع نہیں ہوتا چھوٹے موٹے گینگ سر اٹھاتے رہیں گے ،شہبازشریف جیل میں ہوتو نیازی گینگ پریشان،قرنطینہ میں ہوتو پریشان ،اگر پارلیمنٹ ہوتو پریشان ،نیازی مافیا گینگ اپنے لیے سب سے بڑا خطرہ شہبازشریف کو سمجھتا ہے ۔ انہوں نے کہا کہ مریم نواز کی کامیاب حکمت عملی سے مسلم لیگ (ن)ڈسکہ ،وزیرآباد ،خوشاب اور نوشہرہ کے ضمنی الیکشن جیتی ،مریم نواز نے ضمنی انتخابات میں نیازی گینگ کو اتنا مارا کہ آج تک چیخیں سنائی دے رہی ہیں،رسوائی،ذلت اور شرمندگی عمران نیازی کا مقدر بن چکی ہے ،ملکی اور غیر ملکی سطح پر مافیا کی حکومت ذلالت اکٹھی کررہی ہے ،جس پاکستان کو نوازشریف نے عالمی سطح پر عزت دلائی عمرانی ٹولہ بے عزتی کا باعث بن رہا ہے ،جب تک یہ حکومت رہے گی پاکستان کیلئے کوئی اچھی خبر کی توقع نہ رکھے۔