لاہور(آن لائن) مایہ نازسابق کرکٹراور دنیا کے تیزترین فاسٹ باؤلرشعیب اختر نے کہا ہے کہ مدینے کی ریاست ضروربناؤ،پہلے مدینے والے جیساتو بنو، ہمیں 70سالوں میں کوئی کام کا بندہ نہیں ملا،میں یہ نہیں کہتا کہ چھڑی ہلانے سے سب کچھ ٹھیک ہوجائے گا لیکن کوئی روڈ میپ تو دکھا دو۔

انہوں نے اپنے ایک انٹرویو میں کہا کہ ہمیں 70سالوں میں کوئی کام کا بندہ نہیں ملا، عمران خان کی حکومت توابھی چل رہی ہے، ان کی مدت پوری ہوگی تو ان پر بھی بات کریں گے، ابھی تک توکوئی روڈمیپ بھی نہیں ہے۔کوئی کام کا بندہ نہیں جس نے کہا ہو کالاباغ ڈیم بنادیتے ہیں، مشرف بناسکتا تھا اس کے پاس طاقت تھی۔انہوں نے کہا کہ مغربی ممالک کی طرح ترقی یافتہ بننے کیلئے قوم کہاں سے لائیں گے؟ اللہ معاف کرے یہاں تو ریڑھی والے سے لے کروزیراعظم تک سب چور ہیں۔دن میں اگر 100بار جھوٹ بولتے ہو، لیکن کوئی ایک کام بھی کردکھا دیں۔ قوم پہلے پٹتی ہے، مٹی سے مٹی ہوتی ہے پھر ہیرانکلتا ہے۔مکہ کے جیالوں سے کوئی بڑا آک تک نہیں دیکھا، پہلے ان کی نقل توکرو، مدینے کی ریاست ضروربنائیں لیکن پہلے مدینے والے جیسابن کر تودکھاؤ۔یہ میں بڑی بات کہہ رہا ہوں۔ مدینے کی ریاست ایسے نہیں بنی، مدینے والے نے اپنی ذات میں اسلام سے بنائی۔ان کا ابوسفیان کو معاف کرنا تودیکھو، اولادیں کٹ گئیں، کسی کو کچھ کہا ہی نہیں۔ ان کی طرح کی خصوصیات لانی پڑے گی۔میں یہ نہیں کہتا کہ چھڑی ہلانے سے سب کچھ ٹھیک ہوجائے گا لیکن کوئی روڈ میپ تو دکھا دو۔ کوئی باہر سے دماغ ہی لے آؤ۔انہوں نے کہا کہ پاکستان سے زیادہ خوبصورت جگہ اور ٹیلنٹ پوری دنیا میں نہیں دیکھا۔شعیب اختر نے کہا کہ غلط کو غلط اور ٹھیک کو ٹھیک کہو۔ نوازشریف، زرداری، مریم نواز، شیخ رشید ان کی جتنی جدوجہد ہے اس کو مانیں تو سہی۔ پاک فورسز کی بڑی جدوجہدقربانیاں ہیں۔غلطیاں بھی ہوئی ہوں گی۔#/s#