لاہور (آن لائن) مسلم لیگ (ن) پنجاب کی ترجمان عظمیٰ بخاری نے کہا ہے کہ 14ماہ میں چار آئی جی اور تین چیف سیکرٹری تبدیل کردیئے گئے ہیں۔بیوروکریسی کے بار بار تبادلوں سے تبدیلی نہیں آسکتی۔نیب کے خوف سے کوئی افسر کسی سرکاری فائل پر دستخط کرنے کو تیار نہیں۔

جب آئے روز بیوروکریٹس کی گرفتاریاں ہونگی تو انتظامی امور کون سر انجام دے گا؟۔خوشحالی اور ترقی کی جانب گامزن پنجاب کوعمران خان نے تجربہ گاہ بنادیا ہے۔پاکستان کی ترقی اور خوشحالی کی ضمانت صرف ”میاں نوازشریف“ ہیں۔ عظمیٰ بخاری نے آئی جی اور چیف سیکرٹری کی تبدیلی پر اپنے ردعمل میں کہا فواد حسن فواد اور احد چیمہ کو گرفتار ہوئے ڈیرھ سال سے زائد عرصہ ہو چکا ہے۔نیب فواد حسن فواد اور احد چیمہ پر ایک پیسے کی کرپشن ثابت نہیں کرسکا۔وسیم اجمل کی حادثاتی گرفتاری نے بیوروکریسی کو مزید دلبرداشتہ کردیا ہے۔وسیم اجمل کو زبردستی وعدہ معاف گواہ بنانے کی کوشش کی جارہی ہے۔وسیم اجمل نے عدالت میں یہ بیان دیا ہے کہ نیب مجھے وعدہ معاف گواہ بننے پر مجبور کررہا ہے۔نوازشریف اور شہبازشریف کے دور میں یہی افسران کام کرتے تھے اور ملک ترقی کررہا تھا۔اب چیف سیکرٹری اور آئی جی نہیں عمران خان اور عثمان بزدار کو تبدیل کرنے کی ضرورت ہے۔نا اہل اور نالائق وزیر کی وجہ سے تمام ادارے متنازعہ ہو رہے ہیں۔