راولپنڈی (آن لائن)مجلس وحدت مسلمین (ایم ڈبلیو ایم) کے سربراہ علامہ راجہ ناصرعباس جعفری نے لاپتہ افراد کی بازیابی کے لئے کل (بروزجمعہ) ملک گیر احتجاج کی کال دیتے ہوئے ایم ڈبلیو ایم نے کراچی میں جاری خانوادگان اسیران ملت جعفریہ کے دھرنے کی مکمل حمایت کابھی اعلان کر دیا ہے
ان خیالات کا اظہار انہوں نے میڈیا سیل سے جاری بیا ن میں کیا انہوں نے کہا کہ وزیراعظم عمران خان،صدر پاکستان اور چیف جسٹس سے اپیل کی کہ لاپتہ افراد کے ورثا کے مطالبات پر سنجیدگی سے غور کریں اور فوری طورپر لاپتہ افراد کی بازیابی کو یقینی بنانے کے لئے عملی اقدامات کریں یہ ایک انسانی بنیادی حقوق سے متعلق قانونی اور آئینی مسئلہ ہے جسے نظر انداز نہیں کیا جاسکتااگر کوئی فرد کسی جرم میں ملوث ہے تو اسے عدالت میں پیش کیا جائے بانیان پاکستان کی اولادوں کو دیوار سے لگانے کا سلسلہ بند کیا جائے ایسی صورت حال پیدا نہ کریں کہ لوگ ریاست اور حکمرانوں سے مایوس ہو جائیں انہوں نے کہ ہم کراچی میں جاری دھرنے کی مکمل حمایت کرتے ہیں اور ملت جعفریہ کے جبری لاپتہ افراد کے حق میں جمعہ ملک گیر احتجاج منایا جائے گا ہم اس مشکل کی گھڑی میں اپنی ماؤں اور بہنوں کو تنہانہیں چھوڑیں گئے صدر پاکستان،وزیر اعظم،چیف جسٹس آف پاکستان اور آرمی چیف اس سنگین انسانی حقوق کی خلاف ورزی پر نوٹس لیں اور مظاہرین کے مطالبات پر عملدرآمد یقینی بنائیں۔
