اسلام آباد(مانیٹرنگ ڈیسک)سکیورٹی فورسزبلوچستان میں امن کے قیام کیلئے اپنے فرائض انجام دے رہی ہیں اور دہشتگردوں کا خاتمہ کرنے کیلئے اپنی جانوں کا نذرانہ بھی پیش کر رہی ہیں ۔اس دوران پاکستان کے عوام بھی پاک فوج کے شانہ بشانہ کھڑے ہیں تاہم اس بچی کی تصویر کی حقیقت جان کر آپ کی آنکھوں میں بھی آنسو آ جائیں گے ۔تفصیلات کے مطابق سینیٹر سرفراز بگٹی
نے ٹویٹر پر اس بچی کی تصویر شیئر کی اور ساتھ پیغام درج کیا کہ “ یہ بیٹی اپنے والد کی قبر پر پاکستان کا جھنڈا لگا رہی ہے ، جو کہ قلعہ سیف اللہ میں دہشتگرد حملے میں شہید ہو گیا تھا ، اسے کہتے ہیں وطن سے محبت ۔“سرفراز بگٹی کی جانب سے جاری کی گئی یہ تصویر سوشل میڈیا پر تیزی کے ساتھ وائرل ہو رہی ہے اور صارفین اس بچی کیساتھ اظہار ہمدردی کر رہے ہیں۔
