اسلام آباد(مانیٹرنگ ڈیسک)ہر چیز اس وقت بظاہرنواز شریف کے حق میں ہے تاہم آنیوالے دنوں میں کیا ہونیوالا ہے کچھ کہنا قبل ازوقت ہو گیا، فی الوقت نیب مشکل میں ہے ، اپیل میں بھی یہی فیصلہ ہو گا کچھ کہا نہیں جا سکتا، نیب تیاری کے ساتھ میدان میں اترے گا، کامران مرتضیٰ۔ تفصیلات کے مطابق ملک کے معروف ماہر قانون کامران مرتضیٰ نے نجی ٹی وی پروگرام میں گفتگو کرتے ہوئے کہا کہ یہ نہیں کہا جا سکتا کہ اپیل میں بھی یہی فیصلہ ہوگا یا اسی طرح سے فیصلہ ہوگا دو تین باتیں ہوسکتی ہیں اپیل میں ظاہر ہے

پراسکیوشن سائیڈ سے لوگ پڑھ کے آئیں گے اور تیاری سے ہونگے۔ ممکن ہے کہ وہ کوئی ایسا مواد نکال لائیں یا اُن کو کوئی ایسا مواد مل جائے جو connect کر رہا ہو ملزم سائیڈ کو ،ممکن ہے یہی بنچ اپیل سنیں اور یہ بھی ممکن ہے کہ یہ بنچ نہ ہو اس وقت ساری باتیں قبل از وقت ہیں ۔ فی الوقت نیب مشکل میں ہے۔ نیب کا پہلے دن سے درست استعمال نہیں ہوا اس کو غلط طریقے سے استعمال کیا گیا یہاں پر پراپر تحقیقات نہیں ہوئی جس طرح سے ہونی چاہیے تھی ہر چیز اس وقت بظاہر ملزمان کے حق میں ہے ۔