اسلام آباد(این این آئی( صارفین کومسلسل بہترین انٹر نیٹ کی فراہمی کے لئے پی ٹی سی ایل کی جانب سے لا محدود Mbps 6 انٹرینٹ پیکج متعارف کروا یا گیا ہے۔ یہ پیکج صارفین کو مسلسل بہترین اسٹریمنگ اور لامحدود ڈاون لوڈنگ کی سہولت فراہم کرے گا۔ پی ٹی سی ایل کے صارفین 6Mbps انٹرنیٹ کنکشن سے ملک بھر میں کہیں بھی صرف 2100 روپے ماہانہ سے مستفید ہو سکیں گے۔

پی ٹی سی ایل 6 کے نام سے متعارف کیا جانے والا یہ پیکج ’’بہترین انٹرنیٹ کا مکس ‘‘ ہو گا جس میں لامحدود ڈاؤن لوڈنگ، پی ٹی سی ایل سے پی ٹی سی ایل لاتعداد مفت کالز، مفت سمارٹ ٹی وی اور سمارٹ ٹی وی ایپ، ایک سال کے لئے آئی فلکس تک رسائی اور مفت وائی فائی راؤٹر شامل ہیں۔’’بہترین انٹرنیٹ کا مکس ۔پی ٹی سی ایل 6 ‘‘ پیکج کے بارے میں اظہار خیال کرتے ہوئے سید شہزاد شاہ، ای وی پی مارکیٹنگ اینڈ کمیونیکیشن ، پی ٹی سی ایل، نے کہا ” پی ٹی سی ایل کی جانب سے پہلی دفعہ ملک بھر میں موجود ہ صارفین کے لیے 6Mbps کا انٹرنیٹ پیکج متعارف کروایا ہے۔ پی ٹی سی ایل مسلسل اپنی مصنوعات اور سروسز کی بہتری کے لیے کوشاں ہے ۔ اپنے صارفین کی جانب سے بینڈورتھ کی بڑھتی ہوئی ضروریات کو مدنظر رکھتے ہوئے پی ٹی سی ایل نے Mbps 6 کا پیکج متعارف کروایا ہے جو کہ صارفین کے لیے اپنے کنکشن کو اپ گریڈ کرنے کا بہترین موقع ہے۔” گزشتہ سال پی ٹی سی ایل کی جانب سے نیٹ ورک ٹرانسفارمیشن پروجیکٹ کا آغاز کیاگیاتا کہ ملک بھر کی اہم ایکس چینجز کے ذریعے صارفین تک تیز رفتار انٹرنیٹ فراہم کیا جا سکے ۔ صارفین با آسانی پیکج حاصل کرنے کے لئے 1218 پر کال یا پی ٹی سی ایل شاپس کا وزٹ کریں۔