لاہور( آئی این پی) مسلم لیگ ن کے مرکزی رہنما خواجہ سعد رفیق نے کہا ہے کہ اپوزیشن کی ہار زرداری کی وجہ سے ہوئی ہے‘آصف زرداری کا رویہ ہمارے لیے مسلسل مسئلہ بن رہا ہے‘اپوزیشن میں تقسیم کیوجہ سے دھاندلی کیخلاف احتجاج نہ ہوسکا،آصف علی زرداری نے اپوزیشن کو تقسیم کررکھا ہے‘عارف علوی صاحب اچھے آدمی ہیں,میرے بہت اچھے دوست ہیں۔پنجاب اسمبلی کے باہر میڈیا سے گفتگو کرتے ہوئے انہوں نے کہا آصف زرداری مضبوط اپوزیشن کی راہ

میں رکاوٹ بنے ہوہیں۔اپوزیشن کی تمام جماعتوں نے اپنے اپنے نظریے کیمطابق امیدوار کھڑے کئے ۔ضروری نہیں کہ اپوزیشن ہر معاملے میں میں جڑ کر بیٹھے۔پیپلز پارٹی نے اعتزاز احسن کا نام مشاورت کے بغیر دیا اگر یہ مشاورت کے بعد آتا تو شاید بات ہوسکتی تھی۔حکومت کے پہلے پانچ چھے دن میں ان کے دعوے ہم نے دیکھ لئے۔ڈی پی او رضوان کے معاملے میں ہم نے پولیس میں تبدیلی کے دعوے دیکھ لئے۔مسلم لیگ ن 100 دن کے بعد وائٹ پیپر جاری کرے گی۔