ملتان (نیوز ڈیسک) امریکہ میں قید قوم کی بیٹی ڈاکٹر عافیہ صدیقی کے بارے میں وزیرخارجہ مخدوم شاہ محمودقریشی نے کہا کہ حکومت ان کی رہائی کے لیے ہر ممکن اقدامات کرے گی، انہوں نے کہا کہ ڈاکٹرعافیہ صدیقی قوم کی بیٹی ہیں۔ وزیر خارجہ شاہ محمود قریشی نے کہا کہ پیپلز پارٹی کے دورحکومت میں بھی وزیر خارجہ کی حیثیت سے میں نے

ڈاکٹر عافیہ صدیقی کی رہائی کے لیے ہر فورم پرآواز اٹھائی تھی۔ اس مسئلے کے حل میں کچھ قانونی موشگافیاں ہیں، انہوں نے کہا کہ ہمیں امید ہے کہ وہ باعزت طریقے سے رہا ہوکروطن واپس آجائیں گی۔ ان خیالات کااظہار وزیر خارجہ شاہ محمود قریشی نے بدھ کے روزحضرت بہاؤالدین زکریاؒ کے مزار پر نماز عید کی ادائیگی کے بعد میڈیا نمائندوں سے بات چیت کرتے ہوئے کیا۔