لاہور(آئی این پی) پاکستان تحریک انصاف کے چیئرمین عمران خان نے کہا ہے کہ اگر ہمیں آئندہ عام انتخابات میں اکثریت نہ ملی تو ملک تباہ ہوجائے گا، ہم (ن)لیگ اور پی پی پی سے اتحاد نہیں کریں گے، خود کو بچانے کیلئے ان لوگوں نے اداروں کو تباہ کیا ، انہوں نے بریگیڈیئر رانجھا سے مل کر 2013کے انتخابات میں دھاندلی کی تھی، شاہد خاقان عباسی نے اپنے ایم این ایز کو 90ارب روپیہ ترقیاتی فنڈ کے طور دیئے، طاقتور حکومت کے بغیر اصلاحات کرنا مشکل ہے،

۔جمعرات کو نجی ٹی وی کو انٹر ویو دیتے ہوئے عمران خان نے کہا کہ ڈالر کی قیمت میں اضافے سے مہنگائی میں اضافہ ہوگا اور غریب مزید پس جائیں گے، کرپشن ملک کو تباہ کردیتی ہے، ڈالر 130روپے تک پہنچ چکا ہے، شاہد خاقان عباسی نے اپنے ایم این ایز کو 90ارب روپیہ ترقیاتی فنڈ کے طور دیئے، 2013میں انہوں نے نجم سیٹھی اور افتخار چوہدری کو اپنے ساتھ ملا کر دھاندلی کی تھی، انہوں بریگیڈیئر رانجھا سے مل کر 2013کے انتخابات میں دھاندلی کی تھی۔ انہوں نے کہا کہ اس مرتبہ ہم مکمل تیاری سے انتخابات میں جارہے ہیں ، اب عوام میں جو شعور آگیا ہے وہ پہلے کبھی نہیں آیا ، طاقتور حکومت کے بغیر اصلاحات کرنا مشکل ہے، ہم (ن) لیگ اور پی پی پی سے اتحاد نہیں کریں گے، خود کو بچانے کیلئے ان لوگوں نے اداروں کو تباہ کیا ، انہوں نے پولیس کے ذریعے لوگوں کو قتل کروایا، شہباز شریف اور انکے بیٹوں نے پنجاب کو لوٹا ہے، نیشنل ایکشن پلان پر عمل کرنا چاہیے۔ پی ٹی آئی کی جیت دیکھ کر یہ پہلے شور مچارہے ہیں، اگر ہمیں اکثریت نہ ملی تو ملک کی بڑی بدقسمتی ہوگی، کوئی بھی پارٹی ہو (ن) لیگ یا پیپلز پارٹی نہیں چاہیے، ہم کرپشن پر قابو پا کر دکھائیں گے، بلاتفریق احتساب تک کرپشن ختم نہیں ہوسکتی ، خود کو بچانے کیلئے انہوں نے ادارے کو تباہ کیے، ملک کو ٹھیک کرنا ہے، تو اداروں کو ٹھیک کرنا ہوگا، پنجاب میں شریف برادران اور سندھ میں زرداری کا خوف ہے، شہباز شریف نے عابد باکسر کے ذریعے قتل کروائے۔