اسلام آباد،ممبئی(مانیٹرنگ ڈیسک،این این آئی) اداکار پبلک پراپرٹی ہوتے ہیں ان کی کوئی نجی زندگی نہیں ہوتی ، ان سب باتوں سے میڈیا اور مداحوں کو تو تسکین ملتی ہوگی لیکن بطور انسان ایک اداکار کو اس جملے کی وجہ سے کن مسائل سے گزرنا پڑتا ہے؟ اس کا اندازہ وہی لوگ لگا سکتے ہیں جو اس کیفیت سے گزرے ہوں ۔ اسی کا ایک عملی نمونہ گزشتہ روزسری دیوی کی آخری رسومات کے موقع پر بھی دیکھنے میں آیا جب مداحوں نے سونم کپور

کو بری طرح غصہ دلادیا۔سونم کپورجب اپنی تائی کی آخری رسومات میں شرکت کیلئے آئیں تو وہاں موجود مداحوں کے ہجوم نے پولیس کی موجودگی میں انہیں گھیر لیا اور راستے میں رکاوٹ بن کر کھڑے ہوگئے۔فوتگی کے ماحول میں غمزدہ سونم کپور مداحوں کا یہ رویہ دیکھ کر سخت ناراض ہوگئیں اور زور زور سے چلانے لگیں،پھر اپنے دل کا غبار نکالنے کے بعد سونم کپور بھاگتے ہوئے سلیبریشن کلب کے گیٹ میں داخل ہوگئیں، اس موقع پر انہیں پھوٹ پھوٹ کر روتے ہوئے بھی دیکھا جاسکتا ہے۔واضح رہے کہ بالی ووڈ کی لیجنڈری اداکارہ سری دیوی کی آخری رسومات سرکاری اعزاز کے ساتھ ادا کردی گئیں۔آخری رسومات کے دوران پولیس کے دستے نے اداکارہ کی میت کو سلامی دی اور ان کی لاش کو بھارتی پرچم میں لپیٹا گیا۔ ہندومذہب کے رسم ورواج کے مطابق اداکارہ کو آخری وقت میں دلہن کی طرح سجایا گیا۔بالی ووڈ اداکارہ مادھوری ڈکشٹ، ہیمامالنی، روینہ ٹنڈن، جیا بچن اور ہیمامالنی سمیت بالی ووڈ کے تمام اداکاروں نے آنجہانی اداکارہ سری دیوی کی آخری رسومات میں شرکت کی۔چار روز قبل دبئی کے ایمریٹس ہوٹل میں آخری سانسیں لینے والی بالی ووڈ کی لیجنڈری اداکارہ سری دیوی اپنے شوہر بونی کپور اور چھوٹی بیٹی خوشی کپور کے ہمراہ بھانجے کی شادی میں

شرکت کے لیے دبئی گئی تھیں۔لیکن کسی کو کیا خبر تھی کہ شادی کی تقریب میں خوشی خوشی شرکت کرنے والی اداکارہ سری دیوی کا یہ آخری سفر ہے۔ چار روز قبل سری دیوی کی موت کی خبر نے ان کے گھروالوں سمیت دنیا بھر میں موجود ان کے چاہنے والوں کو حیرت زدہ کردیا۔ابتدا میں ان کی موت کی وجہ دل کادورہ قرار دیا جارہا تھا تاہم فرانزک رپورٹ منظر عام پر آنے کے بعد انکشاف ہوا کہ سری دیوی اپنی موت سے قبل نشے میں تھیں

اور ان کی موت باتھ ٹب میں ڈوبنے کے باعث ہوئی ہے۔دبئی پولیس کی جانب سے اداکارہ کی لاش تفتیش کیلئے دبئی پولیس پروسیکیوشن کے حوالے کردی گئی تھی جس کی وجہ سے ان کی لاش واپس بھارت لانے میں تاخیر ہورہی تھی، تاہم گزشتہ روز تحقیقات مکمل کرنے کے بعد ان کی لاش لواحقین کے حوالے کردی گئی۔ جسے بھارتی صنعتکار مکیش امبانی کے خصوصی طیارے کے ذریعے ممبئی لایا گیا۔سری دیوی کی میت ممبئی لوکھنڈوالا میں سیلیبریشن اسپورٹس کلب میں رکھ دی گئی تھی جہاں ان کا آخری دیدار کرنے کیلئے ان کے گھروالوں سمیت بالی ووڈ کی تمام بڑی شخصیات پہنچیں۔اس موقع پر اسپورٹس کلب کے باہر سیکیورٹی کے انتہائی سخت انتظامات کیے گئے تھے۔

Sonam ?? . . #سونام_كابور مستاءه من ازدحام الإعلام والحراسة في جنازة زوجة عمها #سريديفي ?? . وااضح اعصاابها منهاره ومتوتره انفجرت عليهم ? لاحظو شلوون بجت يوم تبي تدخل البيت 🙁 ? . فعلاا الشواارع كااانت مسسككره والناس اعدادها بالهببل! مافي ولا سياره تممشي حتى الممثلين يجوون مشي بين هالزحممه كلها!! مايوصلون الا طالعه رووحهم ? . . . #sonamkapoor #bollywood #بوليوود #sridevi

A post shared by تحب بوليوود !؟ فولو ?? (@koffee_with_bolly) on Feb 28, 2018 at 4:57pm PST

موضوعات:سری دیوی سونم کپور