اسلام آباد(مانیٹرنگ ڈیسک) سری دیوی کی موت باتھ ٹب میں ڈوبنے سے ہوئی اور یہ موت حادثاتی تھی. بالی ووڈ اداکارہ سری دیوی کی پوسٹ مارٹم رپورٹ دبئی میں بھارتی قونصل کے سپردکردی گئی ۔بھارتی میڈیا کے مطابق سری دیوی دل کا دورہ پڑنے کے بعد ٹب میں جاگریں تاہم تحقیقات کے دوران اداکارہ کی موت کے پیچھے کوئی مجرمانہ محرک سامنے نہیں آیا. خلیج ٹائمز نے یہ بھی بتایاکہ خون کے نمونوں میں الکوحل
کی موجودگی کے بھی شواہد ملے ہیں ۔سری دیوی کی میت کو خصوصی طیارے کے ذریعے دبئی سے ممبئی منتقل کیاجائے گا جس کے لیے ایک خصوصی طیارہ دبئی پہنچادیاگیاہے،بھارتی میڈیا کے مطابق یہ طیارہ بھارتی صنعتکار اور ملک کے چوتھے امیر ترین شخص انیل امبانی نے بھجوایا ہے اورامکان ہے کہ پیر کی شام سات بجے تک میت بھارت پہنچ جائے گی ۔جس کے بعد آنجہانی اداکارہ کی آخری رسومات ادا کی جائیں گی ۔
