لاہور (مانیٹرنگ ڈیسک) بھارتی اداکارہ سونم کپور کی پاکستان کے معروف اداکار فواد خان کو سالگرہ کی مبارکباددینے پربھارتیوں کو آگ لگ گئی ۔پاکستانیوں سے متعلق کچھ اچھا کہا جائے یہ بات بھارتیوں کو اتنی آسانی سے ہضم نہیں ہوتی۔ متعدد پاکستانی شخصیات بالی ووڈ
میں اپنی صلاحیتوں کا لوہا منواچکی ہیں لیکن اس کے باوجود متعصب بھارتی قوم کسی بھی حوالے سے ان کا ذکر تک برداشت نہیں کرتی۔بھارتی اداکارہ سونم کپورنے پاکستان کے معروف اداکار فواد خان کو سالگرہ کی مبارکباد دی تو توقعات کے عین مطابق تنقید کا طوفان امڈ آیا۔ سونم کپور ، فواد کے ساتھ بالی ووڈ فلم ’’خوبصورت ‘‘ میں کام کر چکی ہیں اور ساتھی اداکارہ کی حیثیت سے ان کے اچھے اخلاق کی معترف بھی ہیں مگر ایک ٹویٹ پر ان کی قوم کو آگ ہی لگ گئی۔اپنی ٹویٹ میں سونم نے فواد خان کو سالگرہ کی مبارکباد دیتے ہوئے ان کے لیے خوشیوں کی دعا کی۔اس ٹویٹ کے بعد بہت سے بھارتی ٹوئٹرصارفین شاید یہ بھول گئے کہ سونم فواد کے ساتھ کام کر چکی ہیں اس لیے سالگرہ کی مبارکباد دینا ایک عام سی بات ہے، مگر آفرین ہے بھارتی قوم پر کہ ایک عام سی ٹویٹ کے ڈانڈے اڑی حملے تک سے ملا دیے گئے۔ایک صارف نے لکھا کہ سونم تم کیا سمجھو ممبئی حملہ، پٹھان کوٹ، اڑی اور بھارت پر ہونے والا ہر حملہ ہمارے دلوں کوچھلنی کرتا ہے لیکن تمہیں تو صرف پیسے سے پیار ہے۔
