کوئٹہ /کراچی ( این این آئی) پاکستان کے معروف کامیڈی اداکار خواجہ اکمل دل کا دورہ پڑنے کے باعث کوئٹہ میں انتقال کر گئے۔خواجہ اکمل ایک شادی کے سلسلے میں کوئٹہ گئے ہوئے تھے جہاں انہیں دل کا دورہ پڑا اور وہ دنیائے فانی سے کوچ گئے۔خواجہ اکمل کی تدفین کراچی کے مقامی قبرستان میں کی گئی۔نماز جنازہ میں ان کے عزیز و اقارب اور شوبز شخصیات
نے شرکت کی۔ مشہور کامیڈی اداکار عمر شریف، اداکارہ حنا دلپزیر اور دیگر نے خواجہ اکمل کے اچانک انتقال پر گہرے رنج و غم کا اظہار کیا ہے ۔اداکار خواجہ اکمل ہمیشہ ہی اپنے مزاحیہ کردار سے تمام مداحوں کے لبوں پر مسکراہٹ بکھیر تے تھے ۔متعدد ڈراموں میں ان کے مزاحیہ کردار کو بیحد پسند کیا گیا جن میں کامیڈی ڈرامہ ’’رس گلے‘‘اور’’بلبلے‘‘شامل ہیں۔
