لاہور(یوا ین پی) معروف ماڈل و اداکارہ زویا بلوچ کے درجن بھرسے زائد فیس بک آئی ڈی بن گئے۔فیس بک پر زویا بلوچ کے درجن بھر سے زائد آئی ڈی بنا لیئے گئے ہیں جس سے زویا بلوچ پریشانی کا شکار ہوگئی ہیں۔ زویا بلوچ نے بتایاکہ جب ان کے پرستاروں اور جاننے والوں نے انہیں بتایاکہ انہیں زویا بلوچ کے نام سے مختلف آئی ڈیز سے فرینڈ ریکوئسٹ اور میسجز آئے تو وہ پریشان ہوگئے کیونکہ ان آئی ڈیز پر زویا بلوچ کی تصاویربھی لگی ہوئی تھیں
جب انہوں نے ان ریکوئسٹ کو رسپانڈ کیا تو ان سے مختلف تحائف،بیلنس اور رقم کا تقاضہ کیا گیا جب انہوں نے فون پر زویا بلوچ سے رابطہ کیا تو انہوں نے کہاکہ میں ان آئی ڈیز کو نہیں جانتی مگر انہیں مختلف لوگوں سے ان آئی ڈیزکے خلاف شکایات ملی ہیں کو کوئی زویا بلوچ کے نام پر اپنے پرستاروں سے رقم اور تحائف کا تقاضہ کررہاہے۔یو این پی کے مطابق زویا بلوچ نے اپنے جاننے والوں اور پرستاروں سے اپیل کی ہے کہ ان فیک آی ڈیز کو بالکل ایڈ نہ کریں اور نہ ہی ان کے میسجز پر دھیان دیں زویا بلوچ نے ان آ ئی ڈیز کے خلاف سائبر کرائم مقدمہ درج کروانے کا بھی فیصلہ کرلیاہے تاکہ کوئی ان کے نام پر کسی سے فراڈ نہ کرسکے اس سے قبل بھی متعدد ماڈلز اداکاروں اور گلوکاروں کے نام سے جعلی آئی ڈیز بن چکی ہیں۔
