لاہور(این این آئی)اداکارہ عمائمہ ملک نے سوشل میڈیا پر ہراساں کرنے کے بارے میں ایف آئی اے لاہورکو تحریری شکایت کر دی۔اداکارہ کے مطابق نامعلوم افراد انہیں سوشل میڈیا کے ذریعے ہراساں کر رہے ہیں ٗان کے خلاف کارروائی کی جائے۔عمائمہ ملک نے کہا کہ انہیں کافی
عرصے سے نازیبا اور دھمکی آمیز پیغامات موصول ہورہے ہیں اور گزشتہ چار ماہ سے وہ سخت ذہنی تشدد کا شکار ہیں تاہم اب انہوں نے خاموشی توڑنے کا فیصلہ کرلیا ہے۔میڈیا رپورٹ کے مطابق اداکارہ نے کہا کہ انہیں گزشتہ چارماہ سے سائبر بلنگ کے ذریعے ہراساں کیا جارہا ہے اور وہ اکیلی یہ ذہنی تشدد برداشت کررہی ہیں تاہم اب انہوں نے اس کے خلاف آواز اٹھانے کا فیصلہ کرلیا ہے۔عمائمہ ملک کے مطابق مجھے کئی ماہ سے دھمکیاں موصول ہورہی ہیں جن کے باعث میں گزشتہ چارماہ سے سخت ذہنی تنا کا شکار ہوں مجھے موصول ہونے والے دھمکی بھرے پیغامات نے میری زندگی کو پریشان کرکے رکھ دیا ہے لیکن اب میں مزید یہ سب برداشت نہیں کرسکتی۔انہوں نے کہا کہ اب وقت آگیا ہے اس تشدد کا ختم کردیا جائے ٗ اگر ہم ابھی اس پر بات نہیں کریں گے تو کب کریں گے۔عمائمہ کا کہنا ہے کہ بحیثیت انسان مجھے معلوم ہے کہ سوسائٹی، شوبز انڈسٹری میری فیملی اور خود میرے لیے میری کیا ذمہ داریاں ہیں میں اب مزید خاموش نہیں رہوں گی۔واضح رہے کہ اداکارہ عمائمہ ملک ان
دنوں پاکستانی اداکار شان شاہد کی فلم ارتھ کی تشہیر میں مصروف ہیں۔یہ فلم 1982ء میں ریلیز کی گئی بھارتی فلم ارتھ کا پاکستانی ورژن ہے جس کی ہدایت کاری کے فرائض مہیش بھٹ نے ادا کیے تھے، فلم رواں سال 21 دسمبر کو ریلیز کی جائے گی۔
