ممبئی (این این آئی)بالی وڈ کی خوبرو اداکارہ عالیہ بھٹ اور اداکار سدھارتھ ملہوترا کو فلم سڑک2 میں کاسٹ کرلیا گیا ہے۔سڑک 2 ٗ1991 کی سپر ہٹ فلم سڑک کا سیکوئل ہے جس میں مرکزی کردار عالیہ بھٹ کی والدہ اداکارہ پوجا بھٹ اور اداکار سنجے دت نے نبھایا تھا۔ فلم کے حوالے سے پوجا بھٹ کا کہنا ہے کہ اس میں رومانوی کہانی کے ساتھ دباؤ اور تناؤ بھی دیکھا جاسکے گا جس سے سنجے دت گزر چکے ہیں۔بھارتی میڈیا کے مطابق گذشتہ کئی

عرصہ سے یہ خبریں گردش کر رہی تھیں کہ جلد ہی فلم سڑک 2 کیلئے ایک نوجوان جوڑی کو کاسٹ کیا جائے گا اور اب عالیہ اور سدھارتھ کے نام سامنے آئے ہیں۔عالیہ اور سدھارتھ اس سے قبل فلم کپور اینڈ سنز میں ایک ساتھ جلوہ گر ہوئے تھے۔واضح رہے کہ گزشتہ کئی ہفتوں سے عالیہ اور سدھارتھ کے درمیان کافی دوریاں دیکھی گئیں تاہم اب دونوں نے مشترکہ فیصلہ کیا ہے کہ وہ اپنے ذاتی معاملات کو پروفیشنل معاملات سے دور رکھیں گے۔

موضوعات:عالیہ بھٹ ، سدھارتھ