اسلام آباد (آئی این پی )اٹلی، فرانس اور دنیا بھر سے ماڈلنگ اور کمرشلز کی آفر زآرہی ہیں لیکن ابھی صرف اور صرف پاکستان کے لیے کام کرنا ہے، کچھ بن کر دکھانا ہے اور دنیا میں پاکستان کا نام روشن کرنا ہے ،جس برینڈ کے ساتھ کام کر رہا تھا انہوں میر ی نازیبا تصوریں بنائی جس سے مجھے کافی نقصان اٹھانا پڑا، میرے خاندان اور گھر والوں نے بھی مجھ پر بہت اعتراض کیا لیکن اب خوش ہوں کہ گھر والوں کو منا لیا ہے،
مستقبل میں اپنے گھر والوں کو کبھی ناراض نہیں کروں گا ، ارشد خان (چائے والا ) سے پہچان مال اسلام آبادکا برینڈ ایمبیسڈر منتخب ہونے کی بہت خوشی ہے ۔ جمعہ کو نیشنل پریس کلب اسلام آباد میں منعقد تقریب میں ارشدخان (چائے والا) کا کہنا تھا کہ مجھے آج بہت خوشی ہے کہ پاکستان ایسے لوگ اب بھی موجود ہیں جو اچھے ٹیلنٹ سے اچھا اور صاف ستھرا کام کروانا چاہتے ہیں ۔ انہو ں نے مزید کہا کہ پہلے جس برینڈ کے ساتھ کام کر رہا تھا۔ انہوں میر ی نازیبا تصوریں بنائی جس سے مجھے کافی نقصان اٹھانا پڑا اور اسکی وجہ سے میرے خاندان اور گھر والوں نے بھی مجھ پر بہت اعتراض کیا لیکن اب خوش ہوں کہ گھر والوں کو منا لیا ہے اور امید ہے کہ مستقبل میں اپنے گھر والوں کو کبھی ناراض نہیں کروں گا ۔ ارشد خان کے برینڈ پروموٹر اور پہچان مال کے مالک محمد وسیم اورکاظم حسن نے کہا کہ ہمارا مقصد ہے کہ ہم اپنے ملک کے غریب اور دوردرراز کے ٹیلننٹ کو پروموٹ کریں اور ہمیں امید ہے کہ ہم اپنے اس مقصد میں کامیاب ہوں گئے ۔ پاکستان میں بہت سے نوجوان لڑکے لڑکیاں اب بھی بہتر موقع نہ ملنے کی واجہ سے سکرین کے سامنے نہیں آپاتی ۔ اب ہم ان تمام کے لیے یہ پلیٹ فارم کھول دیا ہے کہ آئیں اور اپنے ملک کا نام روشن کریں ۔
