لاہور (این این آئی) پاکستانی اداکارہ صبا قمر کے ساتھ ’ہندی میڈیم‘ کرنے کے بعد اب عرفان خان ملایم اداکارہ پاروتی کے ساتھ کام کرتے نظر آئیں گے۔دشمن اور سنگھرش جیسی فلموں کی ہدایت کاری کرنے والی ڈائریکٹر تنوجا چندرا کی آنے والی فلم ’قریب قریب سنگل‘ ایک رومانٹک ٹریولنگ فلم ہے جس میں عرفان خان مرکزی کردار میں نظر آئیں گے۔قریب قریب سنگل دو ایسے

پیار کرنے والے افراد کی کہانی ہے ٗجو غیر معمولی سفر کا آغاز کرتے ہیں تاہم ان کا یہ سفر ایڈونچرکی صورت اختیار کرجاتا ہے۔رومانوی سفر پر مبنی اس فلم کی شوٹنگ بھی بھارت کے مختلف علاقوں میں کی گئی ہے ٗفلم میں روایتی رسم و رواج کی جھلک بھی نظر آئے گی۔یہ پہلا موقع ہوگا کہ عرفان خان کسی ہندی فلم میں ملایم اداکارہ کے ساتھ نظر آئیں گے۔’قریب قریب سنگل‘

کو ’زی اسٹوڈیو‘ کے بینر تلے ہی ریلیز کیا جائیگا۔فلم کو رواں برس 10 نومبر کو سینما گھروں کی زینت بنایا جائے گا۔اداکار عرفان خان نے اپنے ٹوئٹر اکاؤنٹ پر ’قریب قریب سنگل‘ کے پوسٹرز شیئر کیے، جس میں انہیں اداکارہ پاروتی کے ساتھ سفر کے دوران مختلف انداز میں دیکھا جاسکتا ہے۔عرفان خان نے 4 اور 5 اکتوبر کو اپنے ٹوئٹر اکاؤنٹ پر فلم کے پوسٹرز ٹوئیٹ کیے۔

موضوعات:عرفان خان