ممبئی(این این آئی) بالی ووڈ کے معروف ہدایت کار کرن جوہر نے بھارتی فلم انڈسٹری کے چاکلیٹی ہیرو رنبیر کپور کو ان کی سالگرہ کے موقع پر فلم کا تحفہ دیا ہے۔بھارتی میڈیا رپورٹس کے مطابق بالی ووڈ کے باصلاحیت اداکار رنبیر کپور 35 برس کے ہو گئے ہیں اور ان کی سالگرہ کی تقریب میں بالی ووڈ کے بڑے بڑے ستاروں نے شرکت کی جب کہ معروف ہدایت کار اور فلمساز کرن

جوہر نے بھی رنبیر کی سالگرہ کا جشن منایا اور اس موقع پر انہیں ایک بہترین تحفہ بھی دیا۔سماجی رابطے کی ویب سائٹ پر ٹوئٹ کرتے ہوئے کرن جوہر نے رنبیر کپور کو سالگرہ کی مبارک باد دیتے کہا کہ ’ویک اپ سڈ‘، ’ یہ جوانی ہے دیوانی‘ اور ’اے دل ہے مشکل‘ میں اس جادوئی اور ٹیلںٹ سے بھرپور لڑکے کے ساتھ کام کیا جب کہ ایک اور پروجیکٹ بھی جلد ہی آ رہا ہے۔کرن جوہر کے ٹوئٹ کے جواب میں ان کے ایک مداح نے جواب دیا کہ سب کو پتہ ہے وہ فلم ’’ڈراگون ہے‘‘ جس کی ہدایت کاری ایان مکھرجی انجام دے رہے ہیں اور اس میں کرن جوہر کے ساتھ عالیہ بھٹ مرکزی کردار میں شامل ہیں۔ ہدایت کار نے اس بات کی تردید کرتے ہوئے کہا کہ فلم کے کے ٹائٹل کا اعلان جلد ہی کر دیا جائے گا۔واضح رہے کرن جوہر کی حال ہی میں ریلیز ہونے والی فلم ’جگا جاسوس‘ بھی بری طرح فلاپ ہوئی تھی تاہم ان کو سنجے دت کی زندگی پر بننے والی فلم کا بے صبری سے انتظار ہے، جس میں وہ مرکزی کردار ادا کرتے نظر آئیں گے۔