اسلام آباد(مانیٹرنگ ڈیسک)انوشکا شرما کا شمار بالی ووڈ کی کامیاب ترین ہیروئنوں میں کیا جاتا ہے، ویرات کوہلی کے ساتھ تعلقات بھی انوشکا شرما کی مقبولیت کا باعث بنے۔ مگر انوشکا شرما ان سب کامیابیوں کے باوجود اپنے ماضی کو یاد کر کے بہت زیادہ دکھی ہیں۔ ایک انٹرویو میں انوشکا شرما نے انکشاف کرتے ہوئے بتایا کہ انہوں نے شوبز میں انٹری کیلئے بہت چھوٹی عمر
میں ہی کوششیں شروع کر دی تھیں مگر انہیں متعدد بار ناکامی کا سامنا کرنا پڑا۔نوشکا نے بتایا کہ 15 سال کی عمر میں پہلی بار انہیں رد کیا گیا جس کی وجہ سے وہ پریشانی کا شکار ہوگئیں اور انہیں سخت صدمہ پہنچا اور پھر یہ سلسلہ چلتا رہا انہیں کئی شوز سے نکالا گیا جب کہ کئی اشتہاروں میں ان کی جگہ دوسری ماڈلز کو کاسٹ کیا گیا، وہ میری زندگی کا بہت مشکل دور تھا لہٰذا میں اس کے بارے میں کبھی بات نہیں کرتی۔انہوں نے مزید کہا کہ 15 سال کی عمر میں انہوں نے ایک شو میں آڈیشن دیا تھا جس میں جج صرف ان لڑکیوں کو منتخب کررہے تھے جو دیکھنے میں اچھی تھیں انہوں نے مجھے ریجیکٹ کردیا اوراس بات سے مجھے اتنا دکھ پہنچا کہ میں یہ بات آج تک نہیں بھلا سکی، جسمانی خدوخال متناسب اور خوبصورت نہ ہونے کی وجہ سے رد کیےجانے پر نہ صرف میری عزت نفس مجروح ہوئی بلکہ میرا حوصلہ بھی ختم ہوگیا، شو کے پروڈیوسر کی جانب سے کہے جانے والے کمینٹس کہ آ پ ظاہری طور پراس شو کے لیے پرفیکٹ نہیں ہیں نے مجھے بہت صدمہ پہنچایا اور مجھے بہت زیادہ بے عزتی محسوس ہوئی، تاہم مشہور ہونے کے بعد میں ان باتوں کو سب کے سامنے بار بار دوہرانا ضروری نہیں سمجھتی کیونکہ اس کا کوئی فائدہ نہیں ہے۔
