ممبئی(آن لائن ) بھارتی فلم نگری ممبئی میں قائم معروف آر کے سٹوڈیو میں آگ لگنے سے ٹی وی ریالٹی شو سپر ڈانس سیزن ۔2 کا سیٹ پوری طرح جل کر خاکستر ہو گیا۔برطانوی نشریاتی ادارے کے مطابق یہ سٹوڈیو1948ء میں ممبئی کے علاقے چیمبور میں بالی وڈ کے شومین کہے جانے والے اداکار اور فلمساز راج کپور نے قائم کیا تھا۔آتشزدگی کے اس سانحے پر راج کپور کے بیٹے رشی کپور نے ٹویٹ پر اپنے گہرے
افسوس کا اظہار کیا۔انھوں نے ٹویٹ کیاکہ یہ افسوسناک ہے آر کے سٹوڈیو میں شدید آگ لگ گئی جس میں سٹیج ون تباہ ہو گیا۔ شکر ہے کہ اس میں کوئی جانی نقصان نہیں ہوا۔ایک دوسرے ٹویٹ میں انھوں نے کہا کہ ایک سٹوڈیو تو دوبارہ تعمیر کیا جا سکتا ہے، لیکن اس سے منسلک انمول یادیں اور آر کے فلم کے تمام کاسٹیوم کا خاکستر ہونا ہم سب کے لیے افسوسناک ہے۔ آگ میں سب کچھ برباد ہو گیا۔
