ممبئی (آئی این پی)پاکستانی ایکٹر عدنان صدیقی نے بالی ووڈ کی بہترین فلم ’ناگن ‘کی کامیاب اداکارہ سری دیوی سے شادی کرلی۔ارے بھئی حیران نہ ہوں یہ شادی انڈین فلم ’’مام ‘‘کے لئے کروائی گئی جس میں عدنان صدیقی بالی ووڈ ایکٹر سری دیوی کے شوہر جبکہ پاکستانی اداکارہ سجل علی عدنان اور سری دیوی کی بیٹی کا کردار نبھائیں گی
۔فلم ’یلغار‘ میں جاندار پرفارمنس سے شائقین کے دل جیتنے والے عدنان صدیقی اور سجل علی کی پہلی انڈین فلم’مام‘سری دیوی کے ہمراہ 7جولائی کو ریلیز کے لئے پیش کی جائے گی جو بھارت سمیت دنیا بھر کے ممالک میں دکھائی جائے گی۔
مزید شوبز سے
اداکارہ میرا اگلے ماہ پیا دیس سدھار جائیں گی‘شوبز کو خیر باد کہنے کا عندیہ دیدیا
لاہور(مانیٹرنگ ڈیسک) معروف اداکارہ میرا کا کہنا ہے کہ وہ اگلے ماہ اگست میں رشتہ ازدواج میں منسلک ہو رہی ہیں، جس کے بعد وہ شوبز کو خیر آباد کہہ دیں گی۔نجی ٹی وی سے خصوصی گفتگو میں معروف لولی اور بالی ووڈ اداکارہ میرا کا کہنا تھا کہ وہ اگلے ماہ بائیس اگست کو شادی کے بندھن میں بندھ جائیں گی، جب کہ پانچ اگست کو لاہور کے علاقے ڈیفنس میں ان کی مہندی اور دعوت ولیمہ نومبر میں ہوگا۔اداکارہ میرا کا مزید کہنا تھا کہ اب میں پاکستان کی مہمان ہوں اور شادی کے بعد بیرون ملک امریکہ منتقل ہوجاؤں گی اور شادی کے بعد شوبز کو خیر آباد کہہ دوں گی۔میرا کے مطابق دلہا فیملی فرینڈ ہیں، جب کہ ان کا تعلق شوبز کی دنیا سے نہیں، میرا کی یہ ارینج میرج ہے، جس پر میرا اور اہل خانہ بہت خوش ہیں۔ان کا مزید کہنا تھا کہ شادی کی تیاریاں زور اور شور سے جاری ہیں، جب کہ میرا کا عروسی جوڑا فیشن ڈیزائنربی جی تیار کریں گی، جو قیمتی اور روایتی سرخ رنگ کا ہوگا۔
