ممبئی(آئی این پی) بالی ووڈ سپر اسٹار سلمان خان نے چھوٹی بہن ارپتا خان کے شوہر ایوش شرما کو فلم نگری میں متعارف کرانے کی ٹھان لی۔ سلمان خان اب تک فلم نگری میں کئی اداکاروں اور اداکاراوں کو متعارف کرا چکے ہیں اور کئی کے فلمی کیرئیر کو کامیابی کی شاہراہ پر گامزن کیا ہے یہی وجہ ہے کہ انہیں بالی ووڈ میں ’’گاڈ فادر‘‘ کہا جاتا ہے
اب سلو میاں نے اپنے گھر کے فرد کو بھی فلم نگری میں متعارف کرانے کا فیصلہ کیا ہے۔بھارتی میڈیا کے مطابق سلمان خان نے اپنی لے پالک چھوٹی بہن ارپتا خان کی ناراضی دور کرنے کے لیے ان کے شوہر ایوش شرما کو فلم نگری میں متعارف کرانے کی ٹھان لی جس کے بعد انہیں فلم’’رات باقی‘‘ میں کاسٹ کرا دیا ہے۔ اور اب سلمان کے بعد ان کے بہنوئی فلم میں کترینہ سے عشق لڑاتے نظر آئینگے
