کراچی (مانیٹرنگ ڈیسک) پاکستانی اداکارہ نائلہ جعفری نے بھارتی سٹیل ٹائی کون سجن جندال کی پاکستان آمد پراحتجاجاحکومت پاکستان کی طرف سے ان کے علاج کے لئے اعلان کردہ امدادلینے سے انکارکردیاہے ۔تفصیلات کے مطابق نائلہ جعفری جوکہ ان دنوں کینسرکے مرض میں مبتلاہیں ۔انہوں نے کہاکہ میںان حکمرانوں کی امدادوصول نہیں کرسکتی جوایسے لوگوں کی مہمان نوازی کریں جوپاکستان کے صف اول کے دشمن ہوں ۔
انہوں نے کہاکہ تاریخ گواہ ہے کہ بھارت نے پاکستان دشمنی کاکوئی موقع ہاتھ سے جانے نہیں دیااورہمارے حکمران بھارتی تاجرکی مہمان نوازی میں مصروف ہیں ۔نائلہ جعفری نے اس موقع پرکہاکہ وہ حکومت کی طرف سے ان کے علاج کےلئے اعلان کردہ امدادنہیں لیں گی ۔واضح رہے کہ صدرپاکستان نے نائلہ جعفری کے علاج کےلئے پانچ لاکھ روپے کی امداددینے کے احکامات جاری کئے تھے ۔
