لاہور ( این این آئی) اداکارہ مائرہ خان کا فلمسٹار میرا پر جوابی وار، اگر میرا مناسب عمر میں شادی کرلیتی تو اس وقت میری عمر کے ان کے بچے ہوتے ۔ انہوں نے کہا کہ اداکارہ میرا میری سینئر اداکارہ ہیں ، میں ان کا بڑا احترام کرتی ہوں جب وہ شوبز میں آئی تھیں تو اس وقت میں پیدا بھی نہیں ہوئی تھی ۔مائرہ خان نے کہا کہ میرا نے شوبز سے زیادہ سکینڈلز کے ذریعے اپنا نام بنایا ہے اور اب مجھ پر تنقید کرکے پھرخود کو عوام میں مقبول رکھنے کی ناکام کوشش کر رہی ہیں ۔ انہوں نے کہا کہ میں ان کو صرف یہی مشورہ دینا چاہتی ہوں کہ وہ شادی کر کے اپنا گھر بسا لیں ۔
اداکارہ میرا نے کہا ہے کہ سوچی سمجھی سازش کے تحت اداکارہ ماہرہ خان کوپروموٹ کیا جا رہا ہے۔ فلم، ٹی وی اورکمرشلز میں ایک ہی اداکارہ کوبطورایکٹرس اورماڈل سائن کرنا ناانصافی ہے۔ میڈیا سے گفتگو کرتے ہوئے اداکارہ میرا نے کہا کہ میں نے اس پروفیشن کواپنی زندگی کے 20برس دیے ہیں اوراس دوران بہت سے یادگار کردار نبھائے لیکن اب ایک خاص لابی مجھے ملنے والے پراجیکٹس میں رکاوٹیں پیدا کررہی ہے۔ مجھے یوں محسوس ہوتا ہے کہ ماہرہ خان ان سازشوں کے پیچھے ہے اوروہ میرے ٹیلنٹ سے خوفزدہ ہیں متعدد بار انہیں ایکٹنگ کا چیلنج بھی کرچکی ہوں۔ کیونکہ میں جانتی ہوں کہ سفارش سے کام پانے والے لوگ کبھی پیدائشی فنکاروں کا سامنا نہیں کرسکتے۔اداکارہ میرا کا کہنا تھا کہ ماہرہ خان کو ہی صرف کام دینا میرے ساتھ ہی نہیں بلکہ ان تمام اداکاراؤں اورماڈلز کے ساتھ زیادتی ہے، جوبے پناہ ٹیلنٹ رکھتی ہیں۔ وہ اس سے زیادہ خوبصورت باصلاحیت اداکارائیں ہیں، مگرایک لابی جان بوجھ کرایسا کررہی ہے۔