ممبئی (مانیٹرنگ ڈیسک) بالی ووڈ کی مشہور جوڑی سیف اور کرینہ کے یہاں بیٹے کی پیدائش ہوئی ہے، جس کا نام تیمور علی خان پٹوڈی رکھا گیا ہے۔ تیمور ترکی زبان کا لفظ ہے جس کا معنی فولاد ہے۔ تیمور کی پیدائش ممبئی کے برج کینڈی ہسپتال میں آج صبح ہوئی۔ ہسپتال ذرائع کے مطابق زچہ اور بچہ دونوں صحت مند ہیں۔ سیف علی خان اور کرینہ کپور نے ایک مشترکہ بیان میں اس بات کی تصدیق کی ہے کہ ہم اپنے بچے تیمور علی خان کی پیدائش کی خبر آپ سے شیئر کرتے ہوئے بہت خوش ہیں۔ ہمارے ساتھ تعاون کرنے پر ہم میڈیا کا شکر ادا کرنا چاہتے ہیں۔ اس موقع پر ہم اپنے مداحوں کے بھی مشکور ہیں جنھوں نے ہمارے لیے نیک خواہشات کا اظہار کیا اور ان کی محبتیں ہمارے ساتھ ہیں تاہم اس کے ساتھ ساتھ انہوں نے سوشل میڈیا پر گردش کر رہی کرینہ اورنومولود کی تصویر کے حوالے سے شکوہ کرتے ہوئے کہا کہ وہ تصویر جعلی ہے ۔ چونکہ انکے مطابق اابھی انہوں نے کرینہ اور ننھے سیف کی کوئی تصویر لی ہی نہی گئی ۔

موضوعات:کرینہ کپور