ممبئی (آئی این پی)کروڑوں دلوں پر کئی دہائیوں تک راج کرنے والے معروف اداکار دلیپ کمار کی طبیعت ایک بار پھر خراب ہوگئی ہے جس کے بعد انہیں اسپتال میں داخل کردیا گیا ہے۔بھارتی میڈیا رپورٹس کے مطابق دلیپ کمار کے اچانک پاؤں سوج جانے کے سبب ان کی طبیعت شدید خراب ہوئی جس کے بعد انہیں ممبئی کے لیلا وتی اسپتال میں داخل کردیا گیا ہے جہاں ان مکمل نگہداشت کی جارہی ہےتاہم ابھی ڈاکٹرز کچھ بھی کہنے سے قاصر ہیں ۔ واضح رہے کہ دلیپ کمارنے اپنی جاندار اور حقیقت سے قریب ترین اداکاری سے تقریباً نصف صدی تک برصغیر کی فلمی دنیا پر حکمرانی کی، وہ رواں ماہ 11دسمبر کو وہ اپنی 94ویں سالگرہ منائیں گے۔

موضوعات:دلیپ کمار