اسلام آم آباد (مانیٹرنگ ڈیسک) وقت کب اور کتنی تیزی سے بدلتا ہے ؟ وقت کا بے لگام گھوڑا کسی کو آسمان پر کب چڑھا دے اور اگلے ہی لمحے کسی کو زمین پر کب پٹخ دے ؟ کوئی بھی نہیں جانتا ۔ کل شہرت کے آسمان کی بلندیوں کو چھونے والی مشہور شخصیات آج ایسے ایسے حال میں پائی جاتی ہیں کہ دیکھ کر ہی آنسو آجاتے ہیں ۔
آپ کو یاد ہو گا کہ بچوں کا معروف ڈرامہ سیریل ’’عینک والا جن ‘‘ اور راس کی معروف ترین اداکارہ’’بلبتوڑی‘‘ آج کس حال میں ہے جان کر آپ کی آنکھوں میں بھی آنسو آجائیں گے ۔
گزشتہ دنوں میڈیا کے ذریعے ڈرامے میں کام کرنے والے ”زکوٹاجن“ کی کسمپرسانہ زندگی کے حالات سب کے سامنے آئے لیکن ”بل بتوڑی“ کا بھی کوئی پرسان حال نہیں ہے۔
عینک والا جن میں ’’ بلبتوڑی‘‘ کا کردار ادا کرنے والی نصرت آرا سےجب ان کے حال کے بارے میں پوچھا گیا تو ا ن کے پاس بتانے کچھ بھی نہیں تھا ۔ انہوںنے رورو کر صرف اتنا ہی کہا کہ ” میری نظر کمزور ہوگئی ہے“۔ بل بتوڑی نے اینکر کا شکریہ ادا کرتے ہوئے کہا ” شکر ہے کہ آپ میرے پاس آئے ہیں حالانکہ مجھے تو یہی لگتا تھا کہ اب کوئی بھی نہیں آئے گا“۔
انٹرویو کے دوران بل بتوڑی شکوہ کناں نظر آئیں اور کہا کہ انہیں پی ٹی وی سے کوئی امداد نہیں ملی ۔ حکومت نے ہر مہینے 10 ہزار روپے کی امداد کا کہا تھا لیکن ہر چار پانچ مہینے کے بعد 16 ہزار روپے کا چیک ملتا ہے ، یہ شوبز کا المیہ ہے کہ جو سامنے ہے وہ اپنا ہے اور جو بعد میں ہے وہ سپنا ہے۔

موضوعات:عینک والا جن نصرت آرا