لاہور( آن لائن ) پالتو جانور اور پرندے پالنے کا شوق توبہت سے لوگوں کو ہے مگر پاکستانی اداکارہ رابی پیرزادہ کو سانپوں سے پیار ہے اور انہوں نے اپنے گھر میں چار سانپ پال رکھے ہیں۔اداکارہ رابی پیرزادہ نے اپنے گھر میں چار خطرناک ترین سانپ پال رکھے ہیں جبکہ وہ ملک کے مختلف حصوں سے دیگر کئی خطرناک سانپ منگوانے کا ارادہ بھی رکھتی ہیں۔رابی پیرزادہ کا کہناہے کہ بچپن سے ہی انہیں سانپ پالنے کا شوق ہے ،’’میں جب بہت چھوٹی تھی تب سے ہی سانپوں سے پیار کرتی ہوں ‘‘مگر میرے والدین اس خطرناک شوق کے حق میں نہیں تھے اور مجھے سانپوں کے بارے میں سوچنے سے بھی روکتے تھے۔اداکارہ نے مزید بتایا کہ والدین کے منع کرنے کے باوجود مجھے اس لمحے کا انتظار تھاکہ میں سانپوں کا شوق پورا کر سکوں۔ ’’میرے سانپ بھی مجھ سے پیار کرتے ہیں ‘‘اوراب میں اپنے سانپوں سے اس بہت آشنا ہو چکی ہوں۔انہوں نے دعویٰ کیا کہ کمرے میں داخل ہوتے ہی اپنے سانپوں کو دیکھ کر میں بتا سکتی ہوں کہ وہ مجھے دیکھ کر خوش ہیں ، میں ذاتی طور پرانکا خیال رکھنے کی پوری کوشش کر تی ہوں کیونکہ میرے سانپ صرف مجھ سے ہی آشنا ہیں۔رابی پیرزادہ نے مزید بتایا کہ انکے کمرے میں کوبرا بھی موجود ہے تاہم لوگ اور خصوصاْْ میرے رشتے دار میرے اس شوق کے بارے میں سن کر حیران ہوتے ہیں مگر مجھے پتہ کے سانپوں کیلئے میرے دل میں محبت اللہ نے رکھی ہے۔’’سانپوں کو بھی محبت اور توجہ کی ضرورت ہوتی ہے۔ رابی نے انکشاف کیا کہ انکے سانپوں نے آج تک انہیں نہیں کاٹا۔اداکارہ نے یہ بھی کہا کہ سانپوں سے محبت کی وجہ سے وہ انہیں کسی دکاندارسے نہیں خریدتی بلکہ ماہرین کی ٹیم کیساتھ پاکستان کے مختلف علاقوں میں موجود جنگلوں سے طرح طرح کے سانپ پکڑنے کی کوشش کرتی ہوں جبکہ میں نے سانپوں کے کاٹنے سے بچاؤ کیلئے ایک خصوصی سوٹ بھی تیار کرا رکھا ہے۔انہوں نے لوگوں کو بھی سانپ پالنے کا مشورہ دیتے ہوئے کہا کہ اگر آپ سانپوں کیساتھ محبت سے پیش آئیں گے تو وہ بھی انسانوں سے محبت کریں گے۔

موضوعات:رابی پیر زادہ