ممبئی (این این آئی) برصغیر کی لیجنڈ گلوکارہ آشا بھوسلے نے کہا ہے کہ وہ 73سال سے گا رہی ہیں مگر پاکستان میں جا کر گانے کی خواہش ہے ٗپاکستان سے جو محبت ملی وہ قرض ہے۔لندن میں اپنے آخری شو کے حوالے سے میڈیا سے بات چیت میں انہوں نے کہا کہ اتوار کے روز ان کے کیرئیر کا لندن میں آخری کنسرٹ ہو گا تاہم بھارت میں گاتی رہیں گی۔آشا بھوسلے نے کہا کہ ان کی خواہش ہے کہ آخری سانس تک گاتی رہیں۔ پاکستان سے ہمیشہ محبت ملی ہے جو قرض ہے۔ آشا نے اس موقع پر میڈم نور جہاں کو بھی شاندار الفاظ میں خراج تحسین پیش کیا اور کہا کہ ان سے احترام کا رشتہ تھا۔راحت فتح علی خان کو عصرحاضر کا بہترین سنگر قرار دیتے ہوئے انہوں نے کہاکہ ان کا کوئی جواب نہیں ٗ انہوں نے عاطف اسلم کو بھی باصلاحیت قرار دیا۔

موضوعات:لیجنڈ گلوکارہ آشا بھوسلے