ممبئی(مانیٹرنگ ڈیسک) سلمان خان کا آفیشل آن لائن گیم ’’بینگ سلمان‘‘ لانچ کردیا گیا ہے جس میں ان کے تین مشہور کرداروں چلبل پانڈے، ٹائیگر اور پریم کو سپر ہیروز کی شکل میں پیش کیا گیا ہے۔بالی ووڈ کے دبنگ خان اپنی فلموں سے تو مداحوں کو محظوظ کرتے ہی ہیں لیکن اب انکا آفیشل گیم بھی لانچ کردیا گیا ہے جس کا ایک پرومو انہوں نے مداحوں سے شیئر کیا۔ 50
سالہ سلمان خان نے اس گیم میں اپنی کامیاب فلموں کے تین اہم کردار شامل کئے ہیں جو سپر ہیروز کی طرح دنیا سے برائی کا خاتمہ کرتے نظر آتے ہیں۔اس گیم میں چلبل پانڈے، ٹائیگر اور پریم نامی تین ہیروز پیش کئے گئے ہیں۔ سلمان خان نے پروموشنل ویڈیو میں بتایا کہ چلبل پانڈے کا مقصد دنیا سے ناانصافی ختم کرنا ہے، ٹائیگر کا مقصد دنیا سے دہشت گردی ختم کرنا اور پریم کا مقصد دنیا سے برائی کو صاف کرنا ہے۔سلمان خان نے چلبل پانڈے کا کردار اپنی کامیاب فلم ’’دبنگ‘‘ میں کیا تھا جبکہ ٹائیگر کا کردار ان کی فلم ’’ایک تھا ٹائیگر‘‘ سے لیا گیا ہے۔

موضوعات:بینگ سلمان سلمان خان