ممبئی(مانیٹرنگ ڈیسک) رومانیہ کی ماڈل لولیا وینترکواکثرسلمان خان اوران کے اہل خانہ کے ساتھ دیکھا جاتا ہے جب کہ ان کی منگنی اورشادی کی خبریں اکثرگردش رہتی ہیں جس کے بارے میں سلمان خان نے تو ہمیشہ ہی تردید تاہم اب لولیا نے بھی اس حوالے سے اپنی زبان کھول ہی لی۔بھارتی میڈیا رپورٹس کے مطابق بالی ووڈ نگری میں دبنگ کے نام سے مشہور اداکار سلمان خان کے ساتھ متعدد اداکاروں کو جوڑا جاتا ہے جب کہ اس بار کئی عرصے سے ایک ہی نام ان سے منسلک کیا جارہا ہے جو ہے رومانیہ کی ماڈل لولیا کا تاہم اداکار کی جانب سے تو کبھی ان کی گہری دوستی کا زکر نہیں کیا گیا جب کہ لولیا نے اس بار چپ رہنے کے بجائے سلمان اوراپنے رشتے پربول ہی ڈلا۔
لولیا ونتر کا میگزین میں انٹرویو کے دوران کہنا تھا کہ ان کے اورسلمان خان کے درمیان ایسا کچھ خاص نہیں، دونوں محض دوست ہیں، ماڈل سے جب دونوں کی شادی کی مختلف افواہوں کے حوالے سے پوچھا گیا توان کا کہنا تھا کہ ہر چیز کا وقت مقرر ہوتا ہے ، نا وقت سے پہلے کوئی کام ہوسکتا ہے اور نا ہی بعد میں اور باقی ساری باتیں افواہوں سے زیادہ کچھ نہیں۔واضح رہے کہ سلمان خان اورلولیا ونتر مختلف مقامات پر ایک ساتھ دیکھے جاتے ہیں اور فلموں کی شوٹنگ کے ساتھ ساتھ وہ اکثر سلمان خان کے گھر والوں ہمراہ بھی دیکھی جاتی ہیں۔

موضوعات:سلمان خان