اتوار‬‮ ، 30 ‬‮نومبر‬‮ 2025 

بالی ووڈ میں سب سے بہترین جوڑی شا ہ رخ اور کاجول کی ہے

datetime 10  اگست‬‮  2016 |

ممبئی(مانیٹرنگ ڈیسک) بالی ووڈ میں سب سے زیادہ پسند کی جانے والی جوڑیوں میں سب سے بہترین جوڑی شا ہ رخ اور کاجول کی ہے جن کے لاتعداد مداح ہیں جب کہ دونوں نے بالی ووڈ انڈسٹری کو لاتعداد بلاک بسٹر فلمیں دی ہیں تاہم شا ہ رخ خان کی جانب سے اداکارہ کے بارے میں حیران کردینے والے انکشافات سامنے آئیں ہیں جہاں ان کا کہنا ہے کہ وہ پہلی فلم ‘‘بازی گر’’ کے دوران کاجول کو بالکل بھی پسند نہیں کرتے تھے جب کہ انہوں نے عامر خان کو بھی اداکارہ کے ساتھ کام کرنے سے منع کردیا تھا۔بھارتی میڈیا رپورٹس کے شاہ رخ خان کی جانب سے کاجول کے حوالے سے حیران کردینے والے انکشافات سامنے آئے ہیں جہاں ان کا کہنا ہے کہ اداکارہ کے ساتھ کی جانے والی پہلی فلم ‘‘بازی گر’’کے دوران وہ ان سے نفرت کرتے تھے جب کہ انہوں نے اداکارہ عامر خان کو بھی کاجول کے ساتھ کام کرنے سے منع کیا تھا۔ شاہ رخ نے انکشاف کیا کہ انہوں نے اداکارہ کے حوالے سے عامر خان کو کہا تھا کہ وہ بہت بری اداکارہ ہے جس کی اپنے کام پر بالکل بھی توجہ نہیں ہوتی جس کے باعث وہ ان کے ساتھ کام نہیں کرسکیں گے۔
شا ہ رخ خان نے کہا کہ فلم بازی گر کی شوٹنگ کے دوران انہیں کاجول کی صلاحیتوں کا علم ہوا جس کے بعد انہوں نے عامر کو بار بار فون کر کے کہا کہ کاجول ایک اچھی اوراسکرین پر جادو بکھیرنے والی اداکارہ ہیں۔کاجول کی تعریف کرتے ہوئے شاہ رخ خان کا کہنا تھا کہ وہ اتنے برسوں میں بہت زیادہ بدل گئیں ہیں جب کہ وہ بہت باتونی بھی ہیں، میں ذاتی طورپرزیادہ باتونی نہیں ہوں تاہم آج بھی کاجول کو ‘‘چپ ہوجاؤ’’ کہتا رہتا ہوں۔شا ہ رخ خان نے اداکارہ کے حوالے سے مزید کہا کہ کاجول صرف تیکنیکی اعتبار سے ہی نہیں بلکہ ایک ایماندار اداکارہ بھی ہیں اور یہ ان کی سب سے بڑی خاصیت ہے۔ میری بیٹی ‘‘سہانا’’ اداکارہ بننا چاہتی ہے اور میں چاہتا ہوں کہ وہ کاجول سے سیکھے کیونکہ وہ اسکرین پر جادہ کرنے والی اداکارہ ہے۔
کاجول سے جب شا ہ رخ کے دوستی کے حوالے پوچھا گیا تو ان کا کہنا تھا کہ فلم بازی گرکے سیٹ پر بہت سے فنکار تھے جنہیں فلم کے حوالے سے کافی تجسس تھا جب کہ وہ مسلسل مراٹھی میں بول رہی تھی جس پران اداکاروں کا کہنا تھا کہ ان کی آواز سے ہمارے سرپھٹ جائیں گے۔ اداکارہ نے کہا کہ اس وقت شا ہ رخ ایک دم بہت زیادہ غصے میں آگئے تھے اورانہوں نے میرے مسلسل بولنے پرپہلی بارمجھے کہا تھا کہ ‘‘کیا آپ چپ ہوجائیں گی’’ اورمیرا خیال ہے کہ ہماری دوستی کا آغاز وہیں سے ہی ہوا تھا۔کاجول کا کہنا تھا کہ اتنے برسوں میں بہت کچھ بدل گیا ہے اور اب ہم بہتراداکار سمیت بہتر انسان بھی بن گئے ہیں اور میں واقعی کسی سے کم نہیں بولتی ہوں۔ اداکارہ نے اپنے دوست کی تعریف کرتے ہوئے کہا کہ شاہ رخ آج کے تمام اداکاروں میں سے بہت بہترین اداکار ہیں، شاہ رخ کے ساتھ کام کرنا بہترین ہے کیونکہ ان کے ساتھ کام کرنے سے بہت کچھ سیکھا بھی جاتا ہے۔واضح رہے کہ دونوں اداکار ایک ساتھ روہت شیٹھی کی فلم دل والے میں نظر آئے تھے جب کہ دونوں نے ایک ساتھ متعدد بلاک بسٹر فلمیں بازی گر، کرن ارجن، ڈپلیکیٹ، دل والے دلہنیا لے جائیں گے، کچھ کچھ ہوتا ہے، کبھی خوشی کبھی غم، مائی نیم از خان جیسی متعدد فلمیں دی ہیں۔

موضوعات:

آج کی سب سے زیادہ پڑھی جانے والی خبریں


کالم



جنرل فیض حمید کے کارنامے(آخری حصہ)


جنرل فیض حمید اور عمران خان کا منصوبہ بہت کلیئر…

جنرل فیض حمید کے کارنامے(چوتھا حصہ)

عمران خان نے 25 مئی 2022ء کو لانگ مارچ کا اعلان کر…

جنرل فیض حمید کے کارنامے(تیسرا حصہ)

ابصار عالم کو 20اپریل 2021ء کو گولی لگی تھی‘ اللہ…

جنرل فیض حمید کے کارنامے(دوسرا حصہ)

عمران خان میاں نواز شریف کو لندن نہیں بھجوانا…

جنرل فیض حمید کے کارنامے

ارشد ملک سیشن جج تھے‘ یہ 2018ء میں احتساب عدالت…

عمران خان کی برکت

ہم نیویارک کے ٹائم سکوائر میں گھوم رہے تھے‘ ہمارے…

70برے لوگ

ڈاکٹر اسلم میرے دوست تھے‘ پولٹری کے بزنس سے وابستہ…

ایکسپریس کے بعد(آخری حصہ)

مجھے جون میں دل کی تکلیف ہوئی‘ چیک اپ کرایا تو…

ایکسپریس کے بعد(پہلا حصہ)

یہ سفر 1993ء میں شروع ہوا تھا۔ میں اس زمانے میں…

آئوٹ آف سلیبس

لاہور میں فلموں کے عروج کے زمانے میں ایک سینما…

دنیا کا انوکھا علاج

نارمن کزنز (cousins) کے ساتھ 1964ء میں عجیب واقعہ پیش…