ممبئی (نیوز ڈیسک) پاکستانی اداکارہ اداکارہ ماورہ حسین نے گزشتہ دنوں فلم’’صنم تیری قسم‘‘ کے بعد بھارتی اداکار ورن دھون کے مدمقابل ایک اور فلم سائن کی تھی ۔ اداکارہ ماورہ حسین فلم’’جڑواں‘‘ میں جلوہ گرہونگی۔فلم’’جڑواں ‘‘ میں اداکارہ ماروہ حسین کے مدمقابل اداکار ورن دھون ہونگے۔پاکستانی ڈراموں کی کامیاب اداکارہ نے بالی ووڈ میں قدم رکھنے کے بعد وہاں بھی اپنی کامیابیوں کا سلسلہ جاری رکھا ہوا ہے یہی وجہ ہے کہ انہوں نے ایک کے بعد ایک بھارتی فلم سائن کرلی ہے۔ماورہ نے اپنے فلمی کیرئیر کا آغاز فلم’’صنم تیری قسم‘‘ سے کیا جبکہ فلم باکس آفس پر کوئی خاطر خواہ کامیابی تو حاصل نہ کرسکی لیکن بے مثال اداکاری کی بدولت انہیں ایک اور فلم میں کام کرنے کی پیشکش کی گئی ہے۔میڈیا ذرائع کے مطابق اداکارہ کو ہدایت کار ڈیوڈ دھون نے فلم’’جڑواں‘‘ کے سیکوئل میں کام کرنے کی پیشکش کی جسے انہوں نے قبول کر لیاتھا فلم میں ان کے مدمقابل بالی وڈ کے نوجوان اداکار ورن دھون ہوں گے ۔

موضوعات:جڑواں ماورہ حسین