نیویارک (نیوز ڈیسک) امریکا میں 42سال قبل ایک خاتون اینکر نے لائیو شو کے دوران خود کشی کر لی تھی جس پر بننے والی ایک فلم رواں برس ریلیز کی جائے گی ۔ لائیو پروگرام میں خود کو گولی مارنے والی 30سالہ اینکر کرسٹن امریکی چینل 40میں کام کرتی تھیں۔ لواحقین کے مطابق ایک روز کرسٹن نے پروگرام کے آغاز میں کہا کہ ہم آپ کو سب سے پہلے اپ ڈیٹ کرتے ہیں اور اب ناظرین اقدام خودکشی کا عمل براہ راست دیکھیں گے۔ اپنے الفاظ مکمل کرنے کے بعد خاتون اینکر نے پستول کو اپنی کن پٹی پر رکھا اور گولی چلا دی۔ کرسٹن کی والدہ نے بتایا کہ اس کے دماغ میں خودکشی کے خیالات آتے تھے وہ شادی کے معاملے میں پریشان تھی کرسٹن کا خیال تھا کہ اکیلی رہ جائے گی ۔ بزرگ ماں نے مزید بتایا کہ ڈاکٹروں نے اسے مشورہ دیا تھا کہ اگر 3سال میں ماں نہ بن سکی تو عمر بھر نہیں بن سکے گی ۔ ان تمام باتوں نے خاتون اینکر کا ذہنی دبائو بہت بڑھ گیا تھا اور اس حساس تنہائی نے اندرونی طور پر تباہ کر دیا تھا۔