اسلام آباد(نیوز ڈیسک)پتنگ باز سجنا فیم،معروف پاکستانی گلوکارہ فریحہ پرویز اور نعمان جاوید نے نکاح کرلیا۔ نکاح کی تقریب گزشتہ دنوں انتہائی سادگی سے ہوئی جس میں ان کے چند قریبی افراد نے ہی شرکت کی۔جلد ہی ایک پروقار تقریب کا انعقاد کیا جائےگا۔یاد رہے کہ گلوکارہ فریحہ پرویزاور نعمان جاوید کے درمیان گزشتہ کئی سالوں سے دوستی چلی آرہی تھی اور اسی وجہ سے ان کے بارے میں شادی کی افواہیں بھی گردش کرتی رہتی تھیں لیکن دونوں نے ہمیشہ اس کی تردید کی لیکن اب دونوں نے باہمی رضامندی سے نکاح کرلیا ہے۔