لاہور (نیوزڈیسک) سینئر اداکار افتخار ٹھاکر مارچ میں اپنی رومانٹک کامیڈی فلم ” ٹھاکر تھانیدار “ شروع کریں گے۔ فلم میں افتخار ٹھاکر کے ساتھ تھیٹر سے تعلق رکھنے والے دیگر اداکار بھی شامل ہوں گے۔ فلم کی شوٹنگ لاہور ، قصور اور رائیونڈ کے گردونواح میں کی جائے گی۔ اس حوالے سے خصوصی گفتگو کرتے ہوئے افتخار ٹھاکر کا کہنا تھا کہ میری طویل عرصے سے خواہش تھی کہ میں کوئی اچھوتی فلم بنا?ں اور اس وقت میری فلم کا سکرپٹ مکمل کیا جا رہا ہے اور مارچ میں باقاعدہ فلم کی شوٹنگ کا سلسلہ شروع کر دوں گا۔ انہوں نے کہا کہ میرا فلم بنانے کا مقصد عوام کو اچھی تفریح فراہم کرنا ہے اور اس میں نے خلوص نیت سے فلم بنانے کا قدم اٹھایا ہے۔ میری فلم رومانٹک اور کامیڈی کے موضوع پر ہو گی جس کو فلم بین یقینا پسند کریں گے۔