ممبئی(نیوز ڈیسک) بولی ووڈ انڈسٹری سے تعلق رکھنے والی سینئر اداکارہ جوہی چاولہ سپر سٹار شاہ رخ خان کے ساتھ ماضی میں ”ڈر“، ”یس باس“ اور ”راجو بن گیا جینٹلمین “جیسی یادگار فلموں میں اداکاری کے جوہر دکھا چکی ہیں۔اداکارہ نے حالیہ خصوصی انٹرویو کے دوران میڈیا سے گفتگو کرتے ہوئے کہا کہ وہ اب بھی شاہ رخ خان کے ساتھ اداکاری کی خواہشمند ہیں۔ انھوں نے میڈیا نمائندگان سے کہا کہ آپ اس بارے میں شاہ رخ خان سے کیوں سوال نہیں کرتے کہ وہ میرے ساتھ کب فلم کریں گے۔اداکارہ نے پی ٹی آئی کو بتایا کہ وہ عامر خان کے ساتھ بھی اداکاری کرنا چاہتی ہیں۔ بلکہ شاہ رخ خان اور عامر خان کے ساتھ ساتھ انکی شدید خواہش ہے کہ سپر سٹار سلمان خان کی ہیروئن بنیں۔ چونکہ وہ ماضی میں شاہ رخ خان اور عامر خان کے ساتھ اداکاری کر چکی ہیں لیکن سلمان خان کے ساتھ انھیں اداکاری کبھی اتفاق نہیں ہوا۔ 48سالہ اداکارہ اپنی نئی آنے والی فلم ”چاک اور ڈسٹر“ میں سینئر اداکارہ شبانہ اعظمی کے ساتھ اداکاری کرتی نظر آئیں گی۔ جوہی چاولہ کی ”چاک اور ڈسٹر“15جنوری کے روز نمائش کیلئے پیش کی جائے گی۔