نئی دہلی(نیوزڈیسک) پاکستان تحریک انصاف کے چیئرمین عمران خان پاکستان کے علاوہ بیرون ملک بھی کتنے مقبول ہیں اور بھارتی اداکارائیں بھی ان سے کتنی متاثر ہیں اس کا اندازہ بھارتی ٹی وی کے ایک پروگرام میں ہوا ۔ایک بھارتی ٹی وی نے کرکٹ کے کنگز کے نام سے پروگرام کیا تھا جس میں عمران خان بھی شریک تھے ۔ اداکارہ بپاشا باسو سے عمران خان کے بارے میں پوچھا گیا تو انہوں نے کہا کہ عمران خان جوانی کی طرح اب بھی جوان اور دلکش ہیں۔ میری ماں اور دوسرے لوگ ان کے دلدادہ تھے۔ میں بھی ان کی فین ہوں۔انہوں نے ایک بار پھر کہا کہ عمران خان اب بھی خواتین کیلئے بہت دلکشی رکھتے ہیں اس پر میزبان سمیت تمام مہمان محظوظ ہوئے اس پرعمران خان اپنے روایتی انداز میں شرمائے اور کہا کہ شکر ہے بپاشا نے صرف اپنی ماں کا ہی کہا ہے یہ نہیں کہا کہ ان کی دادی یا نانی بھی میری فین تھیں اس پر تمام لوگ ایک بار پھر قہقہے لگانے پر مجبور ہوگئے۔