اسلام آباد(نیوزڈیسک)بالی ووڈ سپر سٹار دپیکا پڈوکون نے کہا ہے کہ میں کام کے وقت کسی کی بھی نہیں سنتی۔صحافیوں سے گفتگو کرتے ہوئے دپیکا پڈوکون نے کہا کہ مجھے ہمیشہ کامیابی کے حوالے سے 2013ءسب سے بہترین سال لگتا تھا تاہم اب 2015ءزیادہ کامیاب ثابت ہوا ہے۔ انہوں نے کہا کہ فلم کے بجٹ اور منافع سے کبھی کوئی غرض نہیں رہا، دپیکا نے کہا کہ میں شوٹنگ کے وقت صرف اپنے کام کی طرف توجہ دیتی ہوں اور جب فلم نمائش کیلئے پیش کردی جاتی ہے تب بھی صرف اپنے کام سے متعلق لوگوںکے فیڈ بیک کو ہی دیکھتی ہوں، انہوں نے کہا کہ میری والدہ اور والد نے ہمیشہ میرے کام کو سراہا ہے تاہم بہن ہمیشہ سے بہت بڑی نقاد ہے۔