ممبئی (نیوز ڈیسک)بالی ووڈ کنگ شاہ رخ خان اور سلمان خان کی بڑھتی ہوئی دوستی کے چرچے تو آج کل میڈیا کی سرخیوں میں ہیں۔اور یہی وجہ ہے کہ اداکار شاہ رخ نے سلمان خان کو اپنا ’بھائی جان‘ کہہ دیا۔ٹوئٹر پر شاہ رخ خان کے مداح نے ان سے سوال کیا کہ اگر انہیں ذاتی زندگی میں کبھی ایک بھائی کی طلب ہوئی جس پر شاہ رخ کا کہنا تھا کہ ان کے دونوں بیٹے اب ان کے لیے دوست کی طرح ہیں اور ساتھ ہی انہیں کسی بھائی کی ضرورت نہیں کیونکہ سلمان ان کے بھائی جان ہیں۔یاد رہے کہ بالی ووڈ کے دونوں سپر سٹارز میں کئی سالوں تک سرد جنگ چلتی رہی لیکن اب ان دونوں کے درمیان دوبارہ دوستی ہوگئی ہے۔اس دوران ایک مداح نے شاہ رخ سے پوچھا کہ ان کو اپنی آٹو باﺅ گرافی پر کام کرنا کیسا لگ رہا ہے، تو اس پر انہوں نے کہا کہ اپنی زندگی پر لکھنا بہت پیچیدہ ہے اس میں وقت لگے گا۔