ممبئی(نیوزڈ یسک )بولی ووڈ اداکار سنی دیول کا کہنا ہے کہ ان کے دونوں بیٹے اداکاری کے بے حد شوقین ہیں۔ اداکار نے حالیہ انٹرویو کے دوران میڈیا سے بات چیت کرتے ہوئے بتایا کہ وہ اپنے بڑے بیٹے 23سالہ کرن کو آئندہ سال بولی ووڈ انڈسٹری میں لانچ کرنے کا ارادہ رکھتے ہیں۔ سنی دیول نے بتایا کہ وہ بیٹے کی فلم کی ڈائریکشن خود دیں گے۔ انکا کہنا تھا کہ بڑے بیٹے کو بولی ووڈ میں لانچ کرنے کے بعد وہ چھوٹے بیٹے راجیو کی طرف توجہ کریں گے۔اداکار کا کہنا تھا کہ یہ سوچ کہ سٹارز کے بچے انڈسٹری میں جلدی جگہ بنانے میں کامیاب ہو جاتے ہیں درست نہیں ہے۔ انھوں نے کہا کے اداکاروں کے بچوں پر عام لوگوں کے مقابلے میں ذیادہ پریشر ہوتا ہے۔