لاہور (نیو ڈیسک ) سینئر اداکار افتخار ٹھاکر نے بھی بطور پروڈیوسر و ڈائریکٹر فلم بنانے کا فیصلہ کر لیا ، سکرپٹ کی تیاریاں شروع کر دی جبکہ اگلے سال فروری یا مارچ میں اپنی فلم کی شوٹنگ کا باقاعدہ آغاز کردیں گے ۔ ذرائع کے مطابق اداکار افتخار ٹھاکر ان دنوں ٹی وی اور تھیٹر میں اداکاری کرنے کے ساتھ بطور پروڈیوسر و ڈائریکٹر اپنی فلم بنانے کی تیاریوں میں بھی مصروف ہیں ۔ اس ضمن میں انہوں نے اپنی فلم کے سکرپٹ پر کام بھی شروع کر دیا ہے ۔ امید ظاہر کی جا رہی ہے کہ افتخار ٹھاکر اگلے سال فروری یا مارچ میں باقاعدہ اپنی ذاتی فلم کی شوٹنگ کا سلسلہ شروع کر دیں گے ۔