ممبئی(نیوز ڈیسک)بولی ووڈ سپر سٹار سلمان خان کو ممبئی ہائی کورٹ کی طرف سے جمعرات کے روز ہٹ اینڈ رن کیس سے باعزت بری کر دیا گیا تھا۔ میڈیا رپورٹس کے مطابق اداکار کی بریت کے اگلے ہی روز مہاراشٹرا کے ریاستی وزیر داخلہ رام شندے کی طرف سے کہا گیا کہ وہ پیر کے روز اداکار کے حق میں دیے فیصلے کے خلاف سپریم کورٹ میں اپیل دائر کریں گے۔شندے نے پی ٹی آئی کو بتایا کہ انھوں نے تاحال پیر کے روزلازماً اپیل دائر کرنے کا فیصلہ نہیں کیا ہے۔ واضح رہے سلمان خان کورواں سال مئی میں سیشن کو رٹ کی طرف سے نشے کی حالت میں گاڑی چلانے کے نتیجے میں فٹ پاتھ پر سوئے ایک شخص کو ہلاک اور چار کو زخمی کرنے کی بنا پر پانچ سال کی سزا سنائی گئی تھی۔بعد ازاں ممبئی ہائی کورٹ کی طرف سے مذکورہ سزا کے خلاف کی گئی اپیل کا فیصلہ سناتے ہوئے 10دسمبرکے روز اداکار کو تمام تر الزامات سے بری قرار دے دیا گیا تھا۔